Ҳукуматнинг 16 декабрдаги тегишли қарори билан Азимжон Қурбанбаев Қорақалпоғистон Республикаси қурилиш вазири лавозимига тайинланди, деб хабар бермоқда ЎзА.
У 2022 йилнинг 31 октябрида Қорақалпоғистон Республикаси қурилиш вазири вазифасини вақтинча бажарувчи этиб тайинланганди.
Азимжон Қурбанбаев 1975 йили Амударё туманида туғилган. 1998 йили Самарқанд давлат архитектура-қурилиш институтини тугатган. Тайинловга қадар Қорақалпоғистон Республикаси транспорт вазирлиги ҳузуридаги Архитектура режалаштириш бюроси бош муҳандиси лавозимида ишлаб келган. Ундан олдин эса бир муддат эса Элликқалъа тумани ҳокими ўринбосари лавозимида фаолият олиб борган.
Қурбанбаевгача қурилиш вазири бўлиб ишлаётган Жалғасбай Бердиханов бошқа ишга ўтиши муносабати билан ушбу лавозимдан озод қилинган.
Изоҳ (0)