Илон Маск дунёнинг энг бой одамлари рейтингида етакчиликни бой берди — Forbes

Forbes Real Time миллиардерлари рейтингида Илон Маск дунёнинг энг бадавлат одами сифатида биринчи ўринни Бернард Арно ва унинг оиласига бой берди.

Тадбиркор Илон Маскнинг бойлиги 176,8 миллиард долларга, Louis Vuitton Moet Hennessy (LVMH) президенти Арно ва унинг оиласининг бойлиги эса 188,6 миллиард долларга баҳоланган.

Forbes маълумотларига кўра, кун давомида Илон Маскнинг бойлиги 4,5 миллиард долларга (-2,49 фоизга) қисқарган, Бернард Арно эса 2,7 миллиард долларга (+1,44 фоиз) «бойиб кетган».

Шу билан бирга, Bloomberg миллиардерлар индексида ҳам 171 миллиард доллар бойлиги билан Бернард Арно биринчи, Илон Маск эса 164 миллиард доллар бойлиги билан иккинчи ўринни эгаллаб турибди.

Охирги марта Илон Маск Forbes рейтингида биринчи ўриндан 7 декабрь куни тушиб кетган, бироқ бу ҳолат атиги ярим соат давом этган эди.

Маълумотларга кўра, ўтган ҳафтада LVMHда кадрлар алмашинуви бўлиб ўтган.

Агаче (Christian Dior бренди акцияларига эгалик қилувчи ва Бернард Арнаулт томонидан бошқариладиган холдинг компанияси) масъулияти чекланган жамиятга айлантирилиши фонида LVMH президентининг ўғли Антуан Арно Christian Dior бош директори этиб тайинланган.

Аввалроқ Павел Дуров БААдаги энг бой одам деб тан олингани ҳақида хабар берилганди.