Илон Маскнинг SpaceX компанияси ўз акцияларини хусусий инвесторларга 77 доллардан сотмоқчи. Бу ҳақда Bloomberg хабар бермоқда.
Шунга асосланиб, компаниянинг тахминий қиймати ҳозирда 140 миллиард долларни ташкил этади.
Сўнгги ҳафталарда Space Exploration Technologies (SpaceX) инсайдер акцияларини турли нархларда сотиш бўйича музокаралар олиб борди. Аммо якунда тендер таклифининг бир қисми сифатида 140 миллиард долларлик таклифга рози бўлди, — деди манбалар.
Шу билан бирга, компания бундай баҳолашда молиялаштиришнинг дастлабки босқичи доирасида капитални жалб қилишга интиладими ёки йўқми, ҳозирча маълум эмас.
SpaceX АҚШдаги энг қиммат хусусий компания ҳисобланади. PitchBook маълумотларига кўра, шу йилнинг июль ойида SpaceX 127 миллиард долларга баҳоланган эди.
Шундай қилиб, олти ой ичида компаниянинг баҳоси 13 миллиард долларга ошган.
Аввалроқ SpaceX тарихдаги биринчи космик сайёҳни Ой бўйлаб парвозга юбориши ҳақида хабар берилганди.
Изоҳ (0)