Жорий йилда ёқилғи нархининг кескин ошиши туфайли электромобилга эгалик қилиш ва ундан фойдаланиш харажатлари бензин ёки дизелли автомобилники билан тенглашди, айрим ҳолларда эса пастроқ ҳам бўлди. Бу ҳақда ЛеасеПлан лизинг компаниясига таяниб Financial Times хабар бермоқда.
ЛеасеПлан лизинг парки дунёнинг 22 мамлакатида 1,9 миллионга яқин автомобилларни ўз ичига олади. Мутахассислар ўз автомобилларининг эксплуатация харажатлари ва ижара нархларини турли сегментлар бўйича таққослаб кўрди.
Компания маълумотларига кўра, электромобиль анъанавий автомобиллардан қимматроқ бўлишига қарамай, техник хизмат кўрсатиш харажатлари ва арзон ёнилғи туфайли унга хизмат кўрсатиш харажатлари бир неча баробар паст.
Ҳисоб-китобларига кўра, Европанинг 22 давлатидан 19 тасида, жумладан, Буюк Британия, Франция, Германия ва Голландияда электромобиль ва автомобиль харажатлари тенг ёки арзонроқ. Фақат Польша, Италия ва Чехияда электромобиль сезиларли даражада қимматроқ бўлиб чиқди.
Энергия нархларидаги инфляцияга қарамай, электромобиллар учун ёқилғи нархи бензин ва дизель ёқилғисига қараганда сезиларли даражада пастлигича қолмоқда, — дея хулоса қилди экспертлар.
COVID-19 пандемияси ва таъминот занжири билан боғлиқ муаммолар бошланганидан бери кўплаб автомобилсозлик компаниялари ярим ўтказгич танқислиги ва юк ташиш нархининг ошишига дуч келди. Бу эса баъзи заводларни ишлаб чиқаришни қисқартиришга ёки фаолиятини якунлашга мажбур қилди.
2022 йилдан кейин бу муаммо рекорд даражадаги иссиқлик ва Россиянинг Украинадаги уруши туфайли энергия нархининг ошиши билан янада кучайди.
Шундай қилиб, 2020 йил охирида ички ёнув двигателли янги автомобилларнинг глобал сотуви 14 фоизга қисқариб, бор-йўғи 66,5 миллион донани ташкил этди. Бу сўнгги ўн йилликдаги энг паст кўрсаткичдир.
Шу билан бирга, электромобиллар ва гибрид автомобилларга талаб 39-43 фоизга ошди. Аксарият электр транспорт воситалари Европа, Хитой ва АҚШда сотилган.
Мавзуга доир:
Изоҳ (0)