Россиянинг Тула вилоятида маст танишининг қулоғини кесиб ташлаган Ўзбекистон фуқароси қўлга олинди. Бу ҳақда вилоят прокуратураси ахборот хизмати хабар берди.
Маълум бўлишича, 7 декабрь куни ўзбекистонлик эркак нотаниш хонадонда танишлари билан спиртли ичимлик ичган. Шахсий келишмовчилик туфайли у 55 ёшли ҳамроҳини калтаклаган. Жабрланувчи полга йиқилгач, унинг чап қулоғини кесиб ташлаган.
Оқибатда жабрланувчи олган тан жароҳатлари туфайли воқеа жойида ҳалок бўлган. Унинг жасади айбланувчи ва хонадон эгаси томонидан подъезд кираверишидаги зинапояга олиб тушиб қўйилган. Қотиллик содир этган эркак қасддан баданга оғир шикаст етказиш, эҳтиётсизлик оқибатида жабрланувчининг ўлимига сабаб бўлишда айбланмоқда.
Хонадон эгасига нисбатан жиноят иши қўзғатиш масаласи кўриб чиқилмоқда. Тергов прокуратура назоратига олинган.
Мавзуга доир:
Изоҳ (0)