Twitter’нинг янги эгаси Илон Маск ижтимоий тармоқ ходимлари сонини танишлари, ҳамкасблари ва яқинлари ҳисобига кенгайтирди. Бу ҳақда Business Insider хабар берди.
Нашр маълумотига кўра, Twitter’нинг Сан-Францискодаги бош қароргоҳида Маскнинг амакиваччалари фаолият олиб боради.
«Маскнинг икки амакиваччаси Жеймс ва Эндрю Маск ҳозирда Twitter’да тўлиқ ставкада ишламоқда. Ижтимоий тармоқда ўнлаб Tesla муҳандислари, The Boring Company ходимлари ва Маскнинг профессионал доирасидаги бошқалар ҳам фаолият олиб бормоқда», дейилади хабарда.
Шунингдек, Twitter жамоасига Маскнинг адвокати Алекс Спиро ва миллиардернинг оилавий инвестицион Excession компанияси раҳбари Жаред Бирчалл ҳам кирган.
Илон Маск Twitter компанияси ходимларини оммавий ишдан бўшатишни якунлади ва янги ходимларни ёллашга ўтди. Маск раҳбарлигида 3,5 ҳафталик фаолиятидан сўнг Twitter’нинг 7,5 минг ходимидан бор-йўғи 2,7 минг нафари қолган. Миллиардер Twitter’да қайси лавозимлар учун муҳандис ёки сотувчиларни қидираётганига аниқлик киритмаган, ҳозирда компания сайтида ҳам очиқ вакансиялар йўқ.
Маск Twitter’га келганидан бери компания 7 500 нафар ходимининг 50 фоизини ишдан бўшатди. Шундан сўнг у қўйган ультиматумни — кетиш ёки қаттиқ режимда ишлаш — 17 ноябргача қарор қабул қилишни талаб қилди. Twitter’нинг юзлаб ходимлари Илон Маскнинг ультиматумидан сўнг оммавий равишда ишдан кетишни бошлади. Улар ортиқча ишлашдан кўра уч ойлик нафақани афзал кўриб, компанияни тарк этишга қарор қилган.
Мавзуга доир: Twitter компанияси оммавий ишдан кетишлар фонида ўз офисларини вақтинчалик ёпди
Изоҳ (0)