Twitter офисида ходимлар учун каравотлар пайдо бўлди, Илон Маск аввалроқ меъёридан ортиқча иш бўлиши ҳақида огоҳлантирганди

Twitter офисидаги бир қатор хоналар ётоқхоналарга айлантиилди. У ерга матраслар ёки каравотлар қўйилди, шунингдек, пардалар илинди. Бу ҳақда 5 декабрь куни Forbes ўз манбаларига таяниб хабар берди. BBC эса ётоқхоналардан олинган суратларни эълон қилди.

NEW: The BBC has obtained pictures of inside Twitter - rooms that have been converted into bedrooms - for staff to sleep in.

The city of San Francisco is investigating as it's a commercial building. pic.twitter.com/Y4vKxZXQhB

— James Clayton (@JamesClayton5) December 7, 2022

«Ётоқхоналар» Twitter офисида 5 декабрь, душанба куни пайдо бўлди. Forbes манбаларидан бири маълум қилишича, уларнинг сони «ҳар бир қаватда тўрттадан саккизтагача» бўлиши мумкин, улар кўринишидан жуда қулайга ўхшайди, дея қўшимча қилди манба.

«Нашрнинг яна бир манбаси ётоқ жойларнинг пайдо бўлишини «навбатдаги ошкор қилинмаган ҳурматсизлик белгиси» деб атади. «Ҳеч қанақа муҳокама бўлгани йўқ. Каравотлар ўз-ўзидан пайдо бўлди», — деди у.

«Бу меҳмонхона номерига ўхшайди», — деди Twitter собиқ ходими BBC’га, у Маскнинг ўзи компания офисида тез-тез тунаб қолишини таъкидлади.

Twitter офисида ётоқхоналар пайдо бўлгани ҳақида маълум бўлгач, ижтимоий тармоқ фойдаланувчиларидан бири Сан-Франциско маъмуриятига шикоят қилди. Бинолар инспекцияси шаҳар департаменти текширув бошлади. Улар офисдан хавфсиз тарзда фойдаланилаётганига ишонч ҳосил қилишлари кераклигини таъкидлади.

Илон Маск бундан норози бўлди. «Яъни Сан-Франциско болаларни фентанилдан ҳимоя қилиш ўрнига, чарчаган ходимларини каравотлар билан таъминлаётган компанияларга ҳужум қиляптими?» — деб ёзди у Twitter’да.

Фентанил — таъсир кучи бўйича морфиндан 100 марта кучлироқ бўлган синтетик опиат бўлиб, Маск яқинда Сан-Франциско фуқароларидан бири шаҳар боғида сайр қилаётиб, ўн ойлик ўғли фентанилдан заҳарлангани ҳақида гапириб берган ҳикоясини назарда тутди.

Илон Маск Октябрь охирида Twitter эгасига айланди. У компания ҳар куни тўрт миллион доллардан ортиқ маблағ йўқотаётганини маълум қилди. Маск компания ходимларининг қарийб ярмини ишдан бўшатди, қолганларга эса янги Twitter’ни зўрма-зўраки қуриш учун ишдан ташқари вақтда ишлашни таклиф қилди. ОАВлар маълумотларига кўра, шундан кейин яна юзлаб ходимлар компания қолиш фикрини ўзгартирган. Twitter’да қолиб, ишни давом эттирганлар ҳақиқатан ҳам офисда тунашга мажбур бўлган — дастлаб улар қопкўрпаларда ётган.

Twitter’ни сотиб олганидан кейин кўп ўтмай, Маск компания яқин вақтлар оралиғида ўз ишини йўлга қўйишга уриниб, кўплаб «тентакликлар» қилиши ҳақида огоҳлантирганди. Хусусан, миллиардер верификация белгиларини сотивга қўйди, аммо уларни сохта аккаунтлар сотиб ола бошлагач, бундан воз кечди.