Тозалаш ҳамманинг ҳам яхши кўрган иши эмас. Албатта, бир неча кун давомида уйни тозаламаслик қўрқинчли эмас. Бироқ бир нечта ёмон одатлар мавжуд бўлиб, улар нафақат тартибсиз кўриниш ҳосил қилади, балки уйга ҳам зарар етказади, деб ёзади Lifehacker.
Сантехника билан боғлиқ кичик муаммоларни эътиборсиз қолдириш
Ошхонадаги томчилаб турган кран ёки ҳаммомдаги сувнинг секин оқиши безовта қилиши мумкин. Дастлаб буларнинг барчаси ҳам жиддий муаммо бўлиб туюлмайди, лекин кейинчалик вазият ёмонлашади. Тиқилиб қолиш туфайли қувур ёрилиб кетиши мумкин. Шунинг учун ҳаммом ва ошхонани мунтазам равишда тозалаш, шунингдек, краннинг оқишини диққат билан текшириш керак. Дастлабки босқичда бу муаммоларнинг барчасини ҳал қилиш қийин эмас.
Вентиляция панжараларини тозаламаслик
Уларни атиги 15 дақиқада чангюткич билан тозалаш мумкин. Буни ҳар ой қилишни унутмаслик лозим. Шу орқали шамоллатиш тизимини ҳимоя қилиш ва уйдаги ҳаво сифатини яхшилаш мумкин.
Мос бўлмаган тозалаш воситаларидан фойдаланиш
Кимёвий моддаларни ўз ичига олган тозалаш воситалари баъзи турдаги юзаларнинг ҳолатини ёмонлаштириши мумкин, шунинг учун уларни танлашга оқилона ёндашиш керак.
Масалан, мармар учун кислотага асосланган эритмалар ёки шароб сиркасини ишлатмаслик керак. Шунинг учун ҳар бир маҳсулотда ишлаб чиқарувчининг кўрсатмалари ва тавсияларини ўқиб чиқиш лозим.
Оз миқдордаги чиқиндини дарҳол ташламаслик
Кўпчилик иккиланмасдан турли хил кичик нарсаларни, масалан, почта қутисидаги реклама варақаларни сақлайди. Аста-секин фойдали бўлмаган нарсаларнинг кони пайдо бўлади ва кейинчалик керакли нарсани топиш учун кўп вақт сарфлаш керак. Бундан ташқари, бир қарашда зарарсиз чиқиндиларни тўплаш ўргимчак ва бошқа ёқимсиз «меҳмонлар» учун идеал яшаш жойидир. Ҳар куни чиқиндини, айниқса, озиқ-овқат қолдиқларини ташлаб келишга дангасалик қилмаслик керак.
Тозалашни кескин тўхтатиш
Албатта, уни тугатмаслик умуман бошламасликдан яхшироқдир. Аммо баъзи жойларни тозалаш учун бир вақтнинг ўзида бир неча босқичларни диққат билан бажариш ва жараённи якунлаш жуда муҳимдир. Масалан, гиламдаги доғларни тозалаганда, нафақат тозалаш воситасини қўллаш, балки уни бир мунча вақт ўтгач ювиш ҳам керак. Шунинг учун тозалаш босқичларини олдиндан белгилашга ҳаракат қилиш ва ҳамма нарсани тўғри бажариш учун вақт ажратиш тавсия этилади.
Ускуналар сигналини текшириб кўриш
Деярли ҳар бир электрон қурилма чироқ ёки овозли сигналлар кўринишидаги носозлик кўрсаткичи билан жиҳозланган. Агар уларга эътибор берилмаса, техника яроқсиз бўлиб қолиши мумкин ва баъзи ҳолларда — масалан, тутун детекторлари хавф туғдириши мумкин. Шунинг учун қурилмалардаги батареяларни мунтазам равишда ўзгартириш ва кўрсатмаларга амал қилиш лозим.
Кўзга ташланмайдиган жойларни унутиш
Кийим қуритгични ёки шунга ўхшаш бошқа жиҳозларни охирги марта қачон тозалаганингизни эсланг. Улар ҳар сафар фойдаланилганда намлик, чанг, ҳид ва ёғни тўплайди. Совиткичга эслатма стикерини ёпиштириш ёки уларга мунтазам эътибор бериш учун телефонга махсус эслатма вазифасини қўшиш тавсия этилади.
Изоҳ (0)