Совуқ мавсум бошланиши билан цитрус меваларга бўлган эҳтиёж ортади, шу мевалардан бири апельсин ҳисобланади. Ушбу меваларда кўп миқдорда витаминлар мавжуд. Бундан ташқари, кўпчилик цитрус мевалардан байрам дастурхонларини безатишда фойдаланади. Кўплаб инсонлар апельсинни тозалашда хатоликка йўл қўяди. «Белновости» нашри апельсинни тўғри тозалаш бўйича маслаҳатларни тақдим этди.
Ишни бошлаш учун ўткир пичоқ ёрдамида меванинг устки қисмида сувли мағзига тегмасдан думалоқ кесма ҳосил қилинг. Кейин ўткир пичоқни четга суриб қўйиб, бунинг ўрнига оддий ош қошиқни олинг. Қошиқ тутқичини апельсиннинг кесма ҳосил қилинган жойига ботиринг ва уни айлана бўйлаб юргизинг, мағизни эҳтиёткорлик билан ажратинг.
Худди шу усулни меванинг иккинчи ярми билан такрорланг, шундан сўнг иккала қўлингиз билан апельсинни ушлаб, бир вақтнинг ўзида турли томонларга айлантириш керак бўлади. Шундан сўнг меванинг мағзини шарбати сақланган ҳолатда осон ажратиб олиш мумкин.
Мавзуга доир:
Изоҳ (0)