«Холодец» қишда тайёрланадиган энг мазали егуликлардан бири. Таомни сабзавотлар, кўкатлар ва саримсоқ қўшиб қайнатилган шўрвадан одатий услубда ёки желатинли шўрвага мол гўшти, товуқ, балиқ гўшти қўшиб тайёрлаш мумкин. «Холодец» нафақат мазали, балки жуда фойдали егулик ҳисобланади. «Новий очаг» нашри «холодец» тайёрлаш ва ейиш учун бир қанча сабабларни келтирди.
Суяк ва бўғимларни мустаҳкамлайди
«Холодец» тайёрлаш жараёнида нафақат терининг силлиқлиги ва мустаҳкамлиги, балки суяк ва бўғимларнинг ҳаракатчанлиги ва саломатлиги учун масъул бўлган оқсил коллаген чиқарилади. Шунинг учун синиш ва бошқа жароҳатлар олган одамларга кўпроқ суяк қўшиб тайёрланган шўрваларини истеъмол қилиш тавсия этилади. Коллаген ҳар қандай ёшда муҳим, айниқса, 50 ёшдан ошганлар учун жуда фойдали. Чунки бу ёшда аёллар менопауза туфайли суяк тўқимасини фаол равишда йўқотади. Шунинг учун ушбу мазали таомни саломатлик учун ҳам истеъмол қилиш керак.
Иммунитет тизими учун фойдали
«Холодец»нинг анъанавий рецепти жуда фойдали бўлган саримсоқни ўз ичига олади. Унинг иммунитетни мустаҳкамлаш ва тананинг шамоллаш, грипп ва бошқа нафас йўллари касалликларига чидамлилигини ошириш қобилияти ҳақида ҳамма эшитган. Шунингдек, унинг хусусиятлари бу билан чекланмайди: хушбўй сабзавотни мунтазам истеъмол қилиш саратоннинг айрим турларининг олдини олишга ёрдам беради, шунингдек, қонда шакар даражасини меъёрлаштиришга ёрдам беради.
Ошқозон саратонининг олдини олишга ёрдам беради
Таомга қўшиладиган сабзавот таркибида антиоксидант хусусиятларга эга А витамини, шунингдек, бета-каротин ва ретинол мавжуд: улар тери, сочлар ва кўриш қобилияти учун фойдалидир ва энг муҳими, ошқозон саратонининг олдини олишда ёрдам беради. Қолаверса, сабзининг фойдали моддаларининг барчаси ёғда эрийди, яъни ёғли овқатлар билан истеъмол қилинган тақдирдагина, организм томонидан сўрилади.
Гемоглобинни оширади
Аксарият аёллар, афсуски, гемоглобин даражаси пастлигидан азият чекади, кўпчилик бу ҳақда ҳатто билмайди ҳам. Куч ва қувват етишмаслигини чарчоқ билан боғлайди. Албатта, гемоглобин даражасини ошириш учун энг фойдали таом – бу мол гўштидан тайёрланган холодецдир.
Асаб тизимини рағбатлантиради
«Холодец»да мавжуд бўлган яна бир фойдали модда – глицин. Бу мия фаолиятини рағбатлантиради, шунингдек, ташвиш ва қўрқув туйғуларини бартараф этадиган, депрессия аломатларини йўқотадиган ва стрессни яхшироқ енгишга ёрдам берадиган махсус ферментларнинг таъсирини фаоллаштиради.
Мавзуга доир:
Изоҳ (0)