Овқатланинг ва озинг: тез вазн йўқотиш учун қишки рационга киритиш керак бўлган 8 та маҳсулот

Овқатланиш бўйича мутахассис Стефани Ейтс қиш фаслининг бошида соғлом бўлишга ва жисмоний ҳолатни яхши сақлашга ёрдам берадиган супермаркетлардаги энг арзон, фойдали маҳсулотларни топиш бўйича маслаҳатларни тақдим этди. Стефани мавсумий маҳсулотларни сотиб олишни маслаҳат беради, чунки улар нафақат мазали, балки бошқа янги маҳсулотларга қараганда арзонроқ, йилнинг фақат шу даврида узоқдан олиб келиниши мумкин.

Ейтс: «Мавсумийликни тушуниш овқатни олдиндан режалаштиришда ёки ҳафталик харидлар учун бюджет тузишда фойдали бўлиши мумкин. Бироқ мавсумда қайси маҳсулотлар арзонлашишини ва қанча вақт сақланиб туришини аниқ билиш қийин бўлиши мумкин. Мавсумдан хабардор бўлишнинг осон йўли супермаркетлардаги озиқ-овқат нархларини кузатиб боришдир. Нархлар тушса, бу одатда маҳсулотларнинг мавсумда кўп истеъмол қилинаётганидан далолат беради, юқори нархлар эса маҳсулотларнинг мавсумий эмаслигининг яхши кўрсаткичи ҳисобланади.

Қиш ойларидаги энг яхши маҳсулот қайси эканини биласизми? Мутахассис мева ва резаворлардан  қорағат, нок ва анорларни таклиф қилади, чунки улар нафақат арзон, балки ёрқин кўринишга ва мазали таъмга эга бўлади.

Булғор қалампирининг иштаҳани бостириш билан бирга метаболизмни кучайтириши, 100 граммида атиги 25 калория бўлган руккола эса паст калорияли экани исботланган, шунингдек, қовоқча жуда яхши танлов, чунки унинг таркибида кўп миқдорда эрийдиган ва эримайдиган клечаткалар мавжуд.

Карам 

Кўпгина тадқиқотлар шуни кўрсатадики, карам каби озиқ-овқатларни овқатланиш ратционида кўпайтириш қандли диабет, семизлик, юрак касалликлари ва умумий ўлим хавфини камайтиради. Ушбу маҳсулот, шунингдек, соғлом терига, энергияни оширишга ва умумий вазн йўқотишига ёрдам беради. Карамни истеъмол қилиш юқори қон босимини пасайтириш билан боғлиқ, чунки унинг таркибида калий, минерал ва танага қон босимини назорат қилишда ёрдам берадиган электролит мавжуд.

Қўзиқорин

Қўзиқорин организмни D витамини билан таъминлаши мумкин, чунки у D витаминини ўз ичига олган ягона маҳсулот. D витамини эса суякларга яхши таъсир қилади, уларни мустаҳкамлаш учун танага кальцийни сўришга ёрдам беради ва қувватни сақлаш учун муҳимдир.

Қовоқ

Қовоқ ҳам сабзи каби бета-каротинга бой бўлиб, иммунитетни мустаҳкамловчи витамин C, E витамини, темир ва фолий кислотасини ўз ичига олади. Қовоқни диетангизга қўшиш иммунитет ҳужайраларига микробларга қарши яхшироқ курашишга ёрдам беради ва ҳатто жароҳатни даволашни тезлаштиради.

Тадқиқотлар шуни кўрсатадики, мускат ёнғоғи таркибидаги зеаксантин ва лутеин каби фитонутриэнтлар кўз соғлиғини ҳимоя қилишга ёрдам беради. Шу билан бирга, қовоқнинг турли навларида бўлган бета-каротин кўз саломатлиги ва соғлом ҳужайралар янгиланишида рол ўйнайди.

Булғор қалампири

Булғор қалампирни истеъмол қилиш соғлиққа кутилмаганда кучли таъсир кўрсатиши мумкин. Булғор қалампири антиоксидантлар ва C, E витаминлари ва бета-каротинга бой бўлиб, юрак хасталиклари ва бошқа касалликлардан ҳимоя қилади.

Нок

Нок нафақат мазали ва паст калорияли, балки соғлиқ учун жуда кўп фойда келтирувчи мева ҳисобланади. У муҳим минералларга, жумладан, мис ва калийга бой. Мис иммунитет, метаболизм ва асаб тизими фаолиятида муҳим рол ўйнайди, калий эса мушакларнинг қисқариши ва юрак фаолиятига таъсир қилади.

Олхўри

Олхўри клечаткага бой бўлиб, у углеводларни истеъмол қилгандан кейин қондаги шакар миқдорининг кескин кўтарилишини секинлаштиришга ёрдам беради. Шунингдек, ушбу мева организмда адипонектин гормонини ишлаб чиқаришни кўпайтириш орқали қондаги шакар даражасини тартибга солишга ёрдам беради. Қуритилган олхўри ҳам фойдали бўлиши мумкин, чунки ҳайвонларда ўтказилган тадқиқотлар суяк йўқотилишини камайтиришга ва ҳатто уни қайтаришга ёрдам беради.

Қорағат

Қорағат C витамини, марганес ва К витаминининг ажойиб манбаидир, у совуқ таъсирга қарши курашишда ёрдам берадиган антиоксидантларга бой. Бундан ташқари, қорағат овқат ҳазм қилишга ёрдам берадиган, холестеролни камайтирадиган ва тўйимлилик ҳиссини узайтирадиган клечаткани ўз ичига олади.

Анор

Анор таркибида эллагитаннинлар мавжуд бўлиб, улар организмдаги яллиғланишни камайтиришга ёрдам беради. Шу сабабли, анор мия соғлиғини оксидловчи стрессни келтириб чиқарадиган шароитлардан ҳимоя қилади. Худди шу эллагитаннинлар ичакда уролитин А деб номланувчи бирикма ишлаб чиқаришга ёрдам беради, бу когнитив касалликнинг кечикишини камайтириш қобилияти учун ўрганилган.

Мавзуга доир: 

• Қулупнай, апельсин ва супермаркетдан сотиб олиш тавсия этилмайдиган озиқ-овқат маҳсулотлари.
• Кўкат, зайтун ёғи ва гречка: Қорин соҳасидаги ёғни эритишга ёрдам берадиган 6 та озиқ-овқат маҳсулотлари.
• Касалликдан кейин организм тез тикланишига ёрдам берадиган 5 хил озиқ-овқат маҳсулотлари.
• Йогурт, қаҳва ва нонуштада истеъмол қилиш тавсия этилмайдиган бошқа маҳсулотлар.