Turk seriallari so‘nggi paytlarda tomoshabinlarda ko‘proq qiziqish uyg‘otmoqda va ularni asosan ayollar kuzatmoqda. Shuning uchun bo‘lsa kerak, turk aktyorlari turk aktrisalariga qaraganda mashhurroq. Biroq turk aktrisalarining ham o‘zlarining sodiq tomoshabinlari bor. Go‘zal turk aktrisalari shunchalik ko‘pki, ulardan eng chiroylisini tanlash oson ish emas. Marie Claire nashri tomoshabinlar mehriga sazovor bo‘lgan eng go‘zal turk aktrisalari nomini ma’lum qildi.
Neslihan Atagul
“Sevgi iztirobi” va “Ishq sohillari” seriallari yulduzi Neslihan Atagul endigina 30 yoshda, ammo bu yoshda u nafaqat o‘z vatanida, balki butun dunyo bo‘ylab mashhurlikka erishgan. Uning arsenalida Yaponiyadan Rossiyagacha butun dunyo tan olgan mukofotlar mavjud. U nafaqat seriallarda, balki filmlarda ham rol o‘ynaydi. O‘zining yorqin qiyofasi tufayli aktrisa ko‘pincha reklama roliklarida suratga tushadi. Shuningdek, Neslihan omma oldida makiyajsiz ko‘rinishni yaxshi ko‘radi.
Bahar Shahin
Anqaralik aktrisa hozir 25 yoshda. Shahin 21 yoshida Karachaylar oilasining murakkab tarixi haqida serialda rol o‘ynashni boshlagan. Shahinning boshqa turk aktyorlari bilan munosabatlari matbuotda beto‘xtov muhokama qilinadi. Chunki aktrisa juda go‘zal va betakror ko‘rinishga ega.
Deniz Ugur
“Zolim Istanbul”ning yana bir sohibjamol aktrisasi serialda bosh rolni ijro etgan 49 yoshli aktrisa Deniz Ugurdir. Deniz muntazam ravishda Turkiyaning eng jozibali aktrisalari ro‘yxatiga kiritiladi. Ommmaviy axborot vositalari esa uning qanday qilib juda yosh ko‘rinishga muvaffaq bo‘lganiga qiziqadi. Deniz hanuzgacha sirini oshkor qilmagan.
Dilyara O‘ztunch
2013-yilda suratga olingan “Ishq sohillari” seriali butun dunyo bo‘ylab tomoshabinlarni ko‘plab go‘zal aktrisalar bilan tanishtirdi. Serial premyerasi paytida Dilyara O‘ztunch 25 yoshda bo‘lgan. Uning tashqi ko‘rinishida Gollivud yulduzlariga xos go‘zallik bor va shuning uchun ham ko‘plab mulxislari ko‘nglidan joy olgan.
Seda Turkman
Izmirlik aktrisa Seda Turkmen bugun 36 yoshda. Aytgancha, uning turmush o‘rtog‘i ham aktyor — Bora Akkash. “Ishq sohillari” serialidagi Fahriye roli uning debyuti bo‘lib, keyinchalik kino sanoatiga yo‘l ochdi. Seda Yaqin Sharqning odatiy ko‘rinishiga ega — qora soch va dumaloq ko‘zlar. Har yili Seda eng go‘zal turk aktrisalari qatoridan joy oladi.
Birje Akalay
2004-yilda “Qora va oq sevgi” melodramasi yulduzi “Turkiya go‘zali” tanlovida 3-o‘rinni egallagan. Bugun Birje 38 yoshda, u film va seriallarda rol o‘ynashda davom etmoqda. So‘nggi suratga tushgan kartinalari “Bobil” va “So‘nggi yoz”. Biroq uning eng mashhur roli “Qora va oq sevgi”idagi shifokor Asla roli bo‘lib qolmoqda.
Dilan Chichek Deniz
Dilan 16 yoshidan boshlab modellik bilan shug‘ullandi va Elidor Miss Turkey go‘zallik tanlovida ishtirok etib, ikkinchi o‘rinni egalladi. U Mayami shahrida bo‘lib o‘tgan “Koinot go‘zali” tanlovida Turkiya sharafini himoya qilgan. Dilan so‘ngra kino olamiga kirib keldi va darhol eng go‘zal aktrisalardan biri maqomini oldi. U “Chuqur” serialida Sena rolini ijro etgan.
Esra Bilgich
“Ertug‘rul” seriali butun dunyoga aktrisa Esra Bilgichning dramatik iste’dodi va noyob go‘zalligini ochib berdi. U doimiy ravishda tarixiy liboslarda tomoshabinlar qarshisiga chiqadigan Halime Xotun obrazida esga tushadi. Suratga tushish ishlaridan tashqarida Esra yorqin uslubda kiyinishni yaxshi ko‘radi.
Izoh (0)