Меган Марклнинг турмуш ўртоғи Гарри «Скоттининг кичик аскарлари» хайрия ташкилоти учун видеомурожаат тайёрлади. У Британия қуролли кучларида хизмат қилган ота-онасидан айрилган болаларга ёрдам беради. Шаҳзода болалар байрам шукуҳини умуман бошдан кечирмаслигига қарамай, барчани Янгил йил байрами билан табриклади, деб ёзади The Voice Mag.
«Салом, Рождество кечамизга хуш келибсиз. Умид қиламанки, бугунги ҳаяжонли байрамдан олдин бироз дам олдингиз. Шарки ва Жорждан эшитишимча, Рождествонинг бузилмаслиги учун тўхтатишингиз керак бўлган бешта ёвуз одам бор. Шунинг учун бир жамоа бўлиб ишланг, ақлингиз ва мускулларингиздан фойдаланинг. Уларни топинг ва Рождествони бузишларига йўл қўйманг!» — деди шаҳзода.
Хайрия ташкилоти ўз тарбияланувчилари учун квест форматида кечанинг шундай концепциясини ўйлаб топди. Гаррининг таъкидлашича, уларнинг бу дунёдан абадий кетган яқинларисиз Рождествони нишонлашда ўзини айбдор ҳис қилиши одатий ҳолдир.
«Сизни ишонтириб айтаманки, ота-онангиз доим хурсанд бўлишингизни хоҳлайди. Ўзингизни айбдор ҳис қилманг, айниқса, ҳозир ҳар қачонгидан ҳам кўпроқ завқланинг», — деди Гарри. Сўнгра Ўргимчак одам ниқобини ечиб ташлади ва табассум билан хайрлашди.
Изоҳ (0)