Одатда соддагина кўринган уй ишлари ҳам кўп вақт олади. Аксарият одамлар эса уларни бажаришга улгурмайди. «Новий очаг» нашри уй ишларида фойдали бўлган лайфхаклар билан бўлишди.
Чойни қандай совитиш керак?
Кўпинча бирор жойга отланганда чойнинг жуда иссиқлигидан уни ичишга вақт етмайди. Аммо уни тезда совитишнинг имкони бор. Бунинг учун ош қошиқлар ёрдам беради. Бир стакан қайноқ чойга бир нечта қошиқ солинади ва суюқлик тезроқ совийди. Ушбу усулни иссиқ шўрваларни совитишда ҳам қўллаш мумкин, аммо қошиқларни ювиш кўпроқ вақт олади.
Эслатма дафтар
Чиқиндини ўз вақтида ташлаб келиш, пойабзални таъмирлашга бериш ва керакли маҳсулотларни сотиб олишни унутмаслик учун уй эшигига икки томонлама лента ёрдамида эслатма дафтарини ёпиштириш керак. Эслатмалар кўзга кўриниб туради ва иш бажарилгандан сўнг варақни йиртиб ташлаш ва рўйхатни янгилаш мумкин.
Стаканлардаги доғ
Кўпинча ўз вақтида ювилмаган стаканларда жигарранг доғ пайдо бўлади. Уларни тозалаш учун истеъмол содаси ёрдамга келади. Аммо истеъмол содаси бўлмаса, стаканни кефир билан тўлдириш ва 10-15 дақиқага қолдириш тавсия этилади. Натижада доғдан асар ҳам қолмаслигига амин бўласиз.
Ингичка ҳажмдаги идишлар
Гуруч ингичка идишларни тозалашга ёрдам беради. Гуруч идишга солиниб, бироз идиш ювиш воситаси қуйилади ва яхшилаб силкитилади. Сўнгра идиш оддий сувда чайилади, натижада янгидек кўриниш ҳосил қилади.
Қайчини ўткирлаш
Агар қайчи ўтмаслашиб қолса, уларни устахонага олиб бориш шарт эмас. Улар билан наждак қоғозини кесиб кўриш тавсия этилади, лекин уйда бундай қоғоз йўқ бўлса, уни оддий фольга билан алмаштириш мумкин.
Изоҳ (0)