Тошкент шаҳри Шайхонтоҳур туманидаги хусусий боғчада 3 декабрь куни ёнғин содир бўлди. Бу ҳақда Фавқулодда вазиятлар вазирлиги ахборот хизмати хабар бермоқда.
Қайд этилишича, соат 02:00 Шайхонтоҳур тумани «Жарариқ» МФЙ, Жарариқ кўчасида жойлашган хусусий боғчада ёнғин келиб чиққани тўғрисида шаҳар ФВБга хабар келиб тушган. Шунга кўра 4 та ёнғин-қутқарув экипажи воқеа жойига соат 02:03 да етиб борган ва ёнғин соат 02:30 да қуршаб олиниб, соат 02:46 да бартараф этилган.
Ёнғин оқибатида бино 2-қаватининг 200 квадрат метр майдонда ички ва том қисми ёниб зарарланган. Қутқарувчиларнинг тезкор ҳаракатлари туфайли ёнғиндан бинонинг 300 квадрат метр майдони сақлаб қолинган. Ҳодиса сабаб тан жароҳати олган ва ҳалок бўлганлар йўқ. Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Мавзуга доир:
Изоҳ (0)