Toshkent shahri Shayxontohur tumanidagi xususiy bog‘chada 3-dekabr kuni yong‘in sodir bo‘ldi. Bu haqda Favqulodda vaziyatlar vazirligi axborot xizmati xabar bermoqda.
Qayd etilishicha, soat 02:00 Shayxontohur tumani “Jarariq” MFY, Jarariq ko‘chasida joylashgan xususiy bog‘chada yong‘in kelib chiqqani to‘g‘risida shahar FVBga xabar kelib tushgan. Shunga ko‘ra 4 ta yong‘in-qutqaruv ekipaji voqea joyiga soat 02:03 da yetib borgan va yong‘in soat 02:30 da qurshab olinib, soat 02:46 da bartaraf etilgan.
Yong‘in oqibatida bino 2-qavatining 200 kvadrat metr maydonda ichki va tom qismi yonib zararlangan. Qutqaruvchilarning tezkor harakatlari tufayli yong‘indan binoning 300 kvadrat metr maydoni saqlab qolingan. Hodisa sabab tan jarohati olgan va halok bo‘lganlar yo‘q. Hozirda yong‘inning kelib chiqish sababi va moddiy zarar miqdori aniqlanmoqda.
Mavzuga doir:
Izoh (0)