Тошкент вилояти Ангрен шаҳрида 2 декабрь куни ҳоким ёрдамчиси ўз уйидан жонсиз ҳолда топилди. Бу ҳақда Бош прокуратура матбуот котиби Ҳаёт Шамсутдинов «Дарё»га маълум қилди.
Қайд этилишича, соат 15:00 да шаҳарнинг Dukeнт қўрғони «Улуғбек» маҳалласида яшовчи, 1983 йилда туғилган Б.Н. хонадонида жонсиз ҳолда топилган. «Овчилик» бирлашмасининг қонуний аъзоси бўлган, 4 нафар фарзанднинг отаси Б.Н. ўзига тегишли ов қуроли билан танасининг чап кўкрак соҳаси қисмига тақаб бир марта ўқ узиб, ўз жонига қасд қилган ва воқеа жойида ҳалок бўлган. У сочма қўрғошинли ўқдан фойдалангани аниқланган.
Ҳолат юзасидан олиб борилган суриштирув ишлари давомида фуқаро Б.Н. Ангрен шаҳри «Дорилфунун» МФЙда ҳоким ёрдамчиси лавозимида ишлагани ва яқинда ишдан бўшагани аниқланган. Шунингдек, у отасининг вафотига кўп бўлмагани сабабли тушкун кайфиятда юргани айтилган. Ҳозирда ҳолат юзасидан қўшимча суриштирув ишлари олиб борилмоқда.
Мавзуга доир:
Изоҳ (0)