Келаси ҳафта бошида Ўзбекистоннинг аксарият қисмида қор ёғади

Республика Гидрометеорология маркази 5—8 декабрь кунлари учун об-ҳаво прогнозини эълон қилди.

Қорақалпоғистон Республикасида ҳаво ўзгариб туради, ёғингарчилик кутилмайди. Шамол шимоли-шарқдан 7-12 метр/секунд тезликда эсади. Ҳарорат кечаси 8-13 даража совуқ, баъзи жойларда 15-20 даража совуққача пасаяди, кундузи 2-7 даража совуқ бўлади.

Хоразм вилоятида ҳаво ўзгариб туради, ёғингарчилик кутилмайди. Шамол шимоли-шарқдан 7-12 метр/секунд тезликда эсади. Ҳарорат кечаси 8-13 даража совуқ, баъзи жойларда 15 даража совуқгача пасаяди, кундузи 0-5 даража совуқ бўлади.

Бухоро, Навоий вилоятларида ҳаво ўзгариб туради, ёғингарчилик кутилмайди. Шамол шимоли-шарқдан 7-12 метр/секунд тезликда эсади. Ҳарорат кечаси 5—6 декабрда 7-12 даража совуқ, 7—8 декабрда 5-10 даража совуқ, кундузи 2 даража совуқ-3 даража илиқ; Навоий вилоятининг шимолида кечаси 12-17 даража совуқ, кундузи 2-7 даража совуқ бўлади.

Тошкент, Самарқанд, Жиззах, Сирдарё вилоятларида ҳаво ўзгариб туради, 5 декабрда баъзи жойларда бироз қор ёғади, 6—8 декабрда ёғингарчилик кутилмайди. Баъзи жойларга туман тушиши мумкин. Шамол шимоли-шарқдан 7-12 метр/секунд тезликда эсади. Ҳарорат 5 декабрда кечаси 2-7 даража совуқ, кундузи 0-2 даража илиқ баъзи жойларда 3 даража совуқгача, 6 декабрда кечаси 5-10 даража совуқ, кундузи 3 даража совуқ-2 даража илиқ, 7—8 декабрда кечаси 3-8 даража совуқ, баъзи жойларда 10 даража совуқгача, кундузи 3 даража совуқ-2 даража илиқ бўлади.

Қашқадарё вилоятларида ҳаво ўзгариб туради, 5 декабрда баъзи жойларда бироз қор ёғади, 6—8 декабрда ёғингарчилик кутилмайди. Баъзи жойларга туман тушиши мумкин. Шамол шимоли-шарқдан 7-12 метр/секунд тезликда эсади. Ҳарорат кечаси 5 декабрда кечаси 0-5 даража совуқ, кундузи 0-5 даража илиқ, 6—8 декабрда 2-7 даража совуқ, кундузи 0-5 даража илиқ бўлади.

Сурхондарё вилоятларида ҳаво ўзгариб туради, 5 декабрда баъзи жойларда бироз қор ёғади, 6—8 декабрда ёғингарчилик кутилмайди. Баъзи жойларга туман тушиши мумкин. Шамол шимоли-шарқдан 7-12 метр/секунд тезликда эсади. Ҳарорат кечаси 5 декабрда 2 даража совуқ-3 даража илиқ, кундузи 0-5 даража илиқ, 6—8 декабрда 0-5 даража совуқ, кундузи 3-8 даража илиқ бўлади.

Андижон, Наманган, Фарғона вилоятларида ҳаво ўзгариб туради, 5 декабрда баъзи жойларда бироз қор ёғади, 6—8 декабрда ёғингарчилик кутилмайди. Баъзи жойларга туман тушиши мумкин. Шамол шимоли-шарқдан 7-12 метр/секунд тезликда эсади. Ҳарорат кечаси 5 декабрда 2-7 даража совуқ, кундузи 2 даража совуқ-3 даража илиқ, 6—8 декабрда 3-8 даража совуқ, кундузи 2 даража совуқ-3 даража илиқ бўлади.

Республиканинг тоғли ҳудудларида ҳаво ўзгариб туради, 5—6 декабрда вақти-вақти билан қор ёғади, 7—8 декабрда ёғингарчилик кутилмайди. Баъзи жойларга туман тушади. Шамол шимоли-шарқдан 7-12 метр/секунд тезликда эсади. Ҳарорат кечаси 9-14 даража совуқ, кундузи 0-5 даража совуқ бўлади.