Ўзбекистон 2022 йилнинг январь—октябрь ойларида хорижга қиймати 28,9 млн долларга тенг бўлган 171,6 минг дона телевизор экспорт қилган. Бу ҳақда Давлат статистика қўмитаси хабар бермоқда.
Телевизор экспорти 2021 йилнинг мос даври билан солиштирилганда қарийб 99,7 минг донага ошган.
Ўзбекистон энг кўп телевизорларни Россияга етказиб бермоқда — 100,5 минг дона. Октябрь ойининг ўзида ушбу мамлакатга 27,5 минг дона телевизор экспорт қилинган.
Иккинчи ўриндаги Озарбайжонда бу кўрсаткич икки баробардан ҳам камроқ — 42,7 мингта. Ўтган ойда Озарбайжон Ўзбекистонда 2,2 минг телевизор импортини амалга оширган.
Ўзбекистон 10 ойда энг кўп телевизор экспорт қилган қолган давлатлар қуйидагича:
- Қозоғистон — 16,5 минг дона;
- Тожикистон — 3,8 минг дона;
- Туркманистон — 2,2 минг дона;
- Арманистон — 1,9 минг дона;
- Қирғизистон — 1,7 минг дона.
Изоҳ (0)