Ноябрь ойи бошида Ўзбекистонда помидор нархи рекорд даражада юқорилади — улгуржи нарх қўшни Тожикистонга нисбатан 61 фоиз, Грузия ва Молдовага нисбатан бир ярим баравар баландлашди. Эндиликда маҳсулот нархи барқарорлашмоқда. Бу ҳақда EastFruit хабар берди.
Трейдерлар нархларнинг янада ўсишини кутишганига қарамай, таҳлилчилари ўсишнинг секинлашиши ёки ҳатто нархларнинг барқарорлашишини прогноз қилди.
Кейинги уч ҳафта ичида пушти помидорнинг ўртача улгуржи нархи атиги 5 фоизга ошди ва барқарорлашди, қизил помидорнинг ўртача улгуржи нархи эса ҳатто 7 фоизга камайди.
Нархлар мониторингига кўра, 2022 йил 4—25 ноябрь кунлари Ўзбекистонда пушти помидорнинг ўртача улгуржи нархи 19 минг сўмдан 20 минг сўм/кг гача ошди. Сўнгги икки ҳафта ичида 20 минг сўм/кг даражасида барқарорлашди.
Пушти помидорнинг ҳозирги ўртача улгуржи нархи ўтган йилги даражадан 11 фоизга юқорилади.
Худди шу даврда қизил помидорнинг ўртача улгуржи нархи 14 минг сўмдан 13 минг сўм/кг гача пасайган. 2022 йил 25 ноябрь ҳолатига кўра, ўтган йилнинг шу санасидаги даражада бўлган.
Мавзуга доир: Россиядан ҳам қимматроқ: Ўзбекистонда помидор нархлари рекорд даражага етди
Изоҳ (0)