Экспатлар учун яшаш ва ишлаш шароити энг қулай шаҳарлар рейтинги эълон қилинди

Экспатларнинг яшаши ва ишлаши учун энг қулай ва ноқулай шаҳарлар рейтинги тузилди. Бу ҳақда Bloomberg хабар бермоқда.

Экспат — ўз давлатидан ташқарида яшовчи мутахассис. Унинг меҳнат мигранти ва муҳожирдан фарқи — юқори малакага эгалиги. Одатда экспатлар Шарқ давлатларда яшовчи ғарблик фуқаролар бўлади.

Маълумотларга кўра, учта алоҳида қитъадаги учта турли шаҳар экспатлар учун яшаш ва ишлашда энг яхши жойлардир.

ИнтерNations Expat City Ранкинг 2022 рўйхатида Испаниянинг Валенсия шаҳри биринчи ўринни эгаллади. Бу шаҳарда юқори ҳаёт сифати, жамоат транспорти ва спорт имкониятлари кенглиги экспатларни тўлиқ қаноатлантирган.

Рейтингнинг иккинчи ўрнида Дубай жойлашган. Бу шаҳарга янги келганлар тез мослашиб кета олгани учун, у экспатлар томонидан юқори баҳоланади.

Мексиканинг Мехико шаҳри рейтингда учинчи ўринни эгаллаган. Бунга сабаб эса шаҳарда яшаш харажатлари нисбатан арзон эканлиги ҳисобланади.

Рўйхатдан жой олган 50 та шаҳарда энг сўнгги ўрнини Жанубий Африканинг Ёханнецбург шаҳри эгаллаган. Сўровда қатнашганлар шаҳарни арзон ва хавфли деб топди.

49-48-ўринларни эса Германиянинг Франкфурт ва Франциянинг Париж шаҳарлари эгаллаган бўлиб, уларда уй-жой нархлари жуда ҳам баланд.

Майами Шимолий Америкадаги энг юқори рейтингдаги шаҳар бўлиб, 12-ўринда турибди. Нью-Йорк 16-ўринда, Торонто эса 19-ўринда. Буюк Британиянинг Лондон шаҳри эса 40-ўринда.

Осиё бўйича эса Бангкок ўзининг арзон яшаш шароити туфайли олтинчи ўринни эгаллади, Мелбурндаги иш ва ҳаёт баланси саккизинчи ўринни эгаллади. Шунингдек, Сингапур биринчи ўнталикни якунлади.

ИнтерNations рейтингни тузишда 181 мамлакат ёки ҳудудда яшовчи 11 970 нафар экспатдан маълумот тўплади.

Яшаш ва ишлаш учун энг қулай шаҳарлар топ 10 рейтинги:

1. Валенсия, Испания;
2. Дубай, БАА;
3. Мехико Сити, Мексика;
4. Лиссабон, Португалия;
5. Мадрид, Испания;
6. Бангкок, Таиланд;
7. Базел, Швейцария;
8. Мелбурн, Австралия;
9. Абу-Даби, БАА;
10. Сингапур.

Ушбу рейтингда энг қуйида жойлашган 10 шаҳар:

1. Рим, Италия;
2. Токио, Япония;
3. Ванкувер, Канада;
4. Милан, Италия;
5. Гамбург, Германия;
6. Гонконг, Хитой;
7. Истанбул, Туркия;
8. Париж, Франция;
9. Франкфурт, Германия;
10. Ёханнесбург, Жанубий Африка.

Аввалроқ чет элликлар учун дунёнинг энг арзон шаҳарлари маълум бўлгани, Тошкент рўйхатда 7-ўринда эканлиги ҳақида хабар берилганди.