Швеция расмийлари НАТОга аъзо бўлиш учун Туркиядаги сайловларни кутмаслигини маълум қилди. Бу ҳақда Svenska Dagbladet нашри хабар берди.
Мамлакат ташқи ишлар вазири Тобиас Биллстром бу бўйича маълумот бериб, НАТОга аъзолик борасидаги масалага ҳозир эътибор қаратилишини таъкидлади.
«Менимча, Туркиядаги сайловларнинг эҳтимолий натижалари ҳақида ҳар қандай тахминларга таянмаслик керак. Биз НАТОга имкон қадар тезроқ аъзо бўлишга эътибор қаратишимиз зарур. Биз Туркия ва Венгрия парламентлари Швеция ҳамда Финляндиянинг аризасини ратификация қилгандагина НАТОга аъзо бўлишимиз мумкин», — дейди Биллстром.
Вазир Швециянинг янги ҳукуматида курд муаммоси билан боғлиқ бўлган ва Туркия Швециянинг НАТО иттифоқига қабул қилишига қаршилик қиладиган омиллар мавжуз эмас.
Эслатиб ўтамиз, Швеция Финляндия билан биргаликда Россия-Украина ҳарбий можароси фонида НАТОга қўшилиш ниятини эълон қилган. 28 июнь куни Туркия Стокгольм ва Хелсинкининг НАТОга аъзо бўлишини қўллаб-қувватлашга қаратилган қўшма меморандум имзоланди.
Туркия томонига кўра, Европанинг икки давлати Анқаранинг бир қатор асосий талабларига рози бўлган. Жумладан Хелсинки ва Стокгольм Туркиядаги тақиқланган Курдистон ишчилар партияси ва унинг иттифоқчиларига қарши курашда «тўлиқ ҳамкорлик» қилишга ваъда берган.
Мавзуга доир:
Изоҳ (0)