Брюссель Лондонга Бирлашган Қиролликнинг ядровий тийиб туриш салоҳиятини қўллаб-қувватлаш учун зарур бўлган технологияларни етказиб беришни блоклаб қўйганидан кейин Бельгия ва Буюк Британия ўртасида зиддият юзага келди, деб хабар бермоқда The Times.
Ўтган ҳафта Брюссель Фламандия ҳудудида ишлаб чиқарилган ва Британия армияси учун мўлжалланган ядро материалларини экспорт қилишдан бош тортгани ҳақида ЛН24 нашри ўз манбаларига таяниб хабар берган эди. Унинг маълумотларига кўра, уларнинг етказиб берилишига экологлар қарши чиққан. The Times аниқлик киритишича, гап Антверпендаги ЭПSI компанияси томонидан ишлаб чиқарилган юқори босимли изостатик пресс ҳақида бормоқда. Британия ушбу технологиядан Олдермастондаги Атомиc Wеапонс Эстаблишмент корхонасида ишлаб чиқариш жараёнининг бир қисми сифатида фойдаланади, корхона ядровий жанговар каллакларни ишлаб чиқиш, чиқариш ва уларга хизмат кўрсатиш учун масъулдир.
Буюк Британия Евроиттифоқ таркибидан чиққач, ушбу технологияни экспорт қилиш учун лицензия талаб этилди. The Times ёзишича, лицензия тақдим этилишиниБелфия бош вазири, «Эколо» яшил партияси аъзоси Жорж Гилкине блоклаб қўйган. Газетанинг Брюсселдаги манбаларига кўра, Британия Бельгияда ишлаб чиқарилган FN Herstal пулемётларига 600 миллион евролик буюртмани бекор қилиш ҳақида таҳдид қилганидан кейин икки мамлакат ўртасидаги баҳс кучайиб кетган.
Фламандиянинг Business АМ нашри Бельгия ҳукуматидаги юқори мансабли манбасига таяниб ёзишича, Антверпенда ишлаб чиқариладиган изостатик пресс ноёб технология ҳисобланади. Аммо Times’нинг Британия ҳарбий-денгиз флотидаги манбаси уларнинг етказиб берилмаслиги армия жанговар шайлигига таъсир ўтказмаслигини айтди. Шунга қарамай, деб ёзади нашр, Брюссель Европада жанговар ҳаракатлар давом этаётган пайтда (Россиянинг Украинадаги ҳарбий операцияси назарда тутилмоқда) ушбу зиддият «Ғарб ва НАТОнинг ҳамжиҳатлигини хавф остига қўйиши»дан хавотирда.
Аввалроқ Бельгия бош вазири Александр де Кро Британияга ядро технологияси экспорти бўйича якуний қарор ҳали қабул қилинмагани, ядро қуроли тарқатмаслик бўйича ҳукумат комиссияси қарори кутилаётганини айтганди. Валлония ҳудуди ҳукумати Бирлашган Қиролликка FN Herstal қуролини етказиб бериш бўйича шартнома «ҳамон музокаралар босқичида тургани»ни маълум қилди.
Мавзуга доир: НАТО Европада ядровий ўқув машқларини бошлайди
Изоҳ (0)