Хитойнинг Шинжон-Уйғур мухтор ҳудудидаги Урумчи шаҳрида кўп қаватли турар жой биноси ёниб кетди. Оқибатда ўн киши ҳалок бўлди, тўққиз киши жароҳатланди. Бу ҳақда ҳудуд партия қўмитасининг тарғибот бўлимига таяниб, Sinxua ахборот агентлиги хабар берди.
Ёнғин осмонўпар бинонинг 15-қаватида бошланган, сўнг 17-қаватга тарқалган. Агентлик маълумотларига кўра, тутун бинонинг 21-қаватига ҳам етиб борган. Айни пайтда ёнғин тўлиқ бартараф этилган. Барча жабрланганлар тутундан заҳарланиш ташхиси билан касалхонага ётқизилган.
Дастлабки маълумотларга кўра, ёнғинга хонадонлардан биридаги ётоқхонада электрошитдан ўт чиқиши сабаб бўлган.
Аввалроқ Хитойнинг Хенан провинцияси Анян шаҳридаги Каихинда Trading Cо Ltd. заводида ёнғин чиқиб, оқибатда 36 киши ҳалок бўлганди.
Изоҳ (0)