Россия ва Хитой энергия таъминоти учун тўловни миллий валюталарда амалга оширишга ўтмоқда. Бу ҳақда Россия бош вазири ўринбосари Александр Новак «Россия 24» телеканалига берган интервьюсида маълум қилди.
Унинг сўзларига кўра, гап тўловларнинг рублда ҳам, юанда ҳам амалга оширилиши ҳақида кетмоқда.
Мисол сифатида, бугунги кунда «Газпром» ва Хитой ўртасида газ етказиб бериш паритет асосда рубль ва юанда амалга оширилмоқда, — деб тушунтирди бош вазир ўринбосари.
Новак, шунингдек, Россия ва Хитой ўртасидаги энергия савдоси пул кўринишида 64 фоизга ошганини қайд этди.
Бу нефть ва газ таъминоти, шунингдек, кўмир ва электр таъминотининг тахминан 10 фоизга ўсишига сабаб бўлади, — деди бош вазир ўринбосари.
Россияга қарши кенг кўламли молиявий ва савдо санкциялар сабаб мамлакатдан ғарб брендлари чиқиб кетди, натижада пайдо бўлган товар танқислигини Хитой маҳсулотлари тўлдирмоқда.
Валюта бозорида Хитой экспортига талабнинг жонланиши кузатилмоқда. Юань-рубль жуфтлиги бўйича савдо ҳажми ўтган ойда энг юқори даражага кўтарилди, чунки Хитой валютасига маҳаллий талаб ўсди.
Аввалроқ Россия иқтисодиётининг Хитойга қарамлиги вақт ўтиши билан кучайиши ҳақида хабар берилганди.
Изоҳ (0)