Франция терма жамоаси ҳужумчиси Карим Бензема Жаҳон Чемпионатини ўтказиб юборади. Бу ҳақда Франция терма жамоаси матбуот хизмати маълум қилди.
«Реал» форварди терма жамоа машғулотлари вақтида чап сонидан жароҳат олган. Қайд этилишича, Бензема Доҳада МRT текширувидан ўтган ва унда ушбу жароҳат қайд этилган. Тикланиш уч ҳафта вақт олиши таъкидланган.
«Олтин тўп»нинг амалдаги соҳиби Ла Лига жорий мавсумида 7 та ўйин ўтказиб, бешта гол урди.
Аввалроқ Франция ҳужумчиси Кристофер Нкунку машғулотларда жароҳат олиб, мундиалда иштирок эта олмаслиги маълум бўлганди. Шунингдек, Майк Меньян, Преснел Кимпембе, Пол Погба ва Нголо Канте каби футболчилар жароҳат сабаб Францияга ЖЧ—2022 да ёрдам беролмайди.
Изоҳ (0)