АҚШнинг Чикаго шаҳрида Ўзбекистон вақти билан 19 ноябрь тонгида Bellator 288 мусобақаси бўлиб ўтди.
Мусобақанинг асосий жангларидан бири енгил вазн тоифаси чемпионлиги учун Патрики Фрейре (24-11) ва Усмон Нурмагомедов (16-0) ўртасида кечди.
Дастлабки раундда ўта суст руҳда кечди ва Нурмагомедов рақибига қараганда фаолроқ бўлди. Иккинчи раунд эса тўлиғича Усмоннинг партердаги устунлиги остида кечди.
Учинчи ва тўртинчи раундда ҳам Нурмагомедов фаоллик кўрсатди. Бешинчи раундга Фрейре бироз фаоллик қўшди, бироқ сўнгги беш дақиқалик ҳам Усмоннинг назоратида ўтди. Якунда ҳакамлар бир овоздан Нурмагомедовнинг ғалабасини қайд этди.
Шу тариқа Усмон Нурмагомедов Bellator чемпионлигини қўлга киритди.
Изоҳ (0)