Юзни муз бўлаги билан артиб олиш Мерилин Монро, Марлен Дитрих ва, албатта, яна бир қанча машҳурлар томонидан кўп қўлланиладиган энг қадимги муолажалардан биридир. Эндиликда бу яна TikTok’да шуҳрат қозонмоқда ва барчаси Белла Хадид туфайли, деб ёзади The Symbol.
Яқинда ижтимоий тармоқларда модель терининг силлиқ ва ёрқин кўриниши сири билан бўлишди — бу муз билан ювиш эди. Белла жойлаштирган суратда у муз бўлаклари билан тўлган идишга юзини ботиргани акс этган. Ушбу лайфхак бир зумда миллионлаб TikTok фойдаланувчилари томонидан қўлланилди ва муз билан ювиш ҳақиқатан ҳам иш бергани ҳақида фикрлар қолдирилди.
Жараён бир қатор афзалликларга эга. Муз тун давомида ҳосил бўлган кўз остидаги шиш, қора доғ ва халтачаларни бир зумда йўқотади, терини тетиклантиради, уйқудан кейин тезроқ уйғонишга ёрдам беради. Бу термал эффект қон оқимини рағбатлантиради, натижада тери янада силлиқ ва ёрқинроқ бўлади. Бундан ташқари, муз билан мунтазам ювиш тери ҳужайраларининг янгиланишига ёрдам беради, қаришни секинлаштиради ва ажинлар пайдо бўлишининг олдини олади.
Самарадорликни ошириш учун муз бўлакларига оддий тоза сув эмас, балки турли хил фаол моддаларни ҳам қўшиш мумкин. Масалан, шишга қарши таъсирини кучайтириш учун мойчечак қайнатмасини бир неча томчи узум уруғи ёғи билан, детокс учун эса грейпфруит шарбати билан кўк чойни музлатиш кифоя. Агар тери жуда қуруқ бўлса, муз бўлакларига крем ёки косметик ёғларни қўшиш мумкин. Эҳтиёт бўлиш лозим, ўсимлик таркибий қисмлари кучли аллергияга олиб келиш эҳтимоли мавжуд. Ушбу таркибли муз бўлаклари билан ювишдан олдин синов тариқасида терининг кичик жойини ювиб, бироз кутиш тавсия этилади. Агар қизариш пайдо бўлмаса, демак, композиция терига мос келган.
Изоҳ (0)