Жорий йилда аҳолининг ижтимоий ҳимояга муҳтож қатламларига давлат бюджетидан 2 триллион 200 миллиард сўмлик бир марталик моддий ёрдам кўрсатилди. Бу ҳақда бугун (18 ноябрь) бўлиб ўтаётган Сенат ялпи мажлисида бош вазир ўринбосари, иқтисодий тараққиёт ва камбағалликни қисқартириш вазири Жамшид Қўчқоров маълум қилди, дея хабар бермоқда «Дарё» мухбири.
Жамшид Қўчқоровнинг таъкидлашича, аҳолининг ёрдамга муҳтож қатламини қўллаб-қувватлаш ва камбағалликни қисқартириш ҳукумат фаолиятининг устувор йўналишларидан бири.
Жорий йилда аҳолининг ижтимоий ҳимояга муҳтож қатламларига давлат бюджетидан 2 триллион 2 миллиард сўмлик бир марталик моддий ёрдам кўрсатилди. Ёрдамга муҳтож оилаларни моддий қўллаб-қувватлаш бўйича «Саховат ва кўмак» жамғармасидан 477 миллиард сўм маблағ йўналтирилди. Шу билан бирга, 2 миллион 200 мингта кам таъминланган оилалар учун болалар нафақаси тайинланди. 78 мингдан ортиқ оилага моддий ёрдам берилди.Жамшид Қўчқоровнинг қўшимча қилишича, олий таълим тизимида таҳсил олаётган хотин-қизларга ҳам бюджет ҳисобидан моддий ёрдам кўрсатилмоқда.
«2022/2023-ўқув йилида 12 минг 300 нафар хотин-қизларнинг контракт тўловларини қоплаш учун давлат бюджетидан 68 миллиард сўм маблағ йўналтирилди. Шунингдек, бюджет маблағлари ҳисобидан тижорат банклари орқали 42 мингдан ортиқ талаба хотин-қизларга контрактларини тўлашга 512 миллиард сўм фоизсиз кредитлар ажратилди», – деди вазирлик расмийси.
Изоҳ (0)