Европа комиссияси (ЙК) ижрочи вице-президенти Франc Тиммерманснинг айтишича, Европа Иттифоқи ва унинг қатор аъзолари Африкага иқлим ўзгаришига мослашиш учун 1 миллиард евродан ортиқ ёрдам ажратади.
«Европа Иттифоқи ва унга аъзо тўрт давлат — Франция, Германия, Нидерландия ва Дания — Африкада адаптацияни қўллаб-қувватлаш учун 1 миллиард евродан ортиқ маблағ ажратади», — деди ЙК вице-президенти Шарм ал-Шайхда бўлиб ўтган БМТнинг иқлим бўйича COP27 конференциясида.
Тиммерманс баёнотида тушунтирилганидек, бундай ташаббусдан иқлим хатарлари ҳақида маълумот тўплаш, яқинлашиб келаётган офатлардан эрта огоҳлантириш тизимларини кучайтириш ва иқлим ўзгаришини бартараф этиш учун маблағларни, шу жумладан хусусий маблағларни тўплашга ёрдам бериш учун фойдаланилиши керак. Бундан ташқари, ажратилаётган маблағлар муқаррар хавфлардан суғурталаш механизмларини мустаҳкамлайди.
Вице-президент иқлим ўзгаришидан кўрилган йўқотишлар ва зарарларга ҳам эътибор қаратди. «Бугун Европа Иттифоқи томонидан ажратилиши эълон қилинган пулнинг бир қисми йўқотишлар ва зарарларни қоплашга йўналтирилади. Айрим аъзо давлатларимиз томонидан бу борада аллақачон тегишли ваъдалар берилган», — деди Тиммерманс.
У бунинг учун ташаббусга ЕИ бюджетидан 60 миллион евро қўшилишини маълум қилди.
Изоҳ (0)