Туркия президенти Ражаб Тоййиб Эрдўғон Россия ва АҚШ ядро қуролидан фойдаланмаслик ҳақида келишиб олганини маълум қилди, деб ёзади «Коммерсантъ».
Президентга буни Туркия разведкаси раҳбари Россия Ташқи разведка хизмати раҳбари Сергей Наришкин ва АҚШ Марказий разведка бошқармаси директори Уильям Бёрнснинг учрашувидан кейин етказган. Учрашув 14 ноябрь куни Анқарада бўлиб ўтган.
«Айни вақтда иккала томон ҳам ядро қуролидан фойдаланишга уринмайди. Биз улар тез-тез учрашиб туришини истаймиз ва бунга имконият яратишга тайёрмиз. Бу (ядро қуролидан фойдаланиш), худо асрасин, янги жаҳон уруши бошланишига олиб келади», — деди Эрдўғон TRT телеканали эфирида.
14 ноябрь кунги учрашув чоғида Бёрнс Наришкинга Россия томонидан ядро қуроли қўлланилган тақдирда, қандай оқибатларга олиб келиши ҳақида айтган. АҚШ Давлат департаменти вакили Ведант Пателнинг сўзларига кўра, Бёрнс, шунингдек, Россия разведкаси раҳбарига «ҳибсда сақланаётган Америка фуқароларининг Россия ҳукумати томонидан адолатсиз тарзда фойдаланилаётгани» ҳақида ҳам гапирган.
Мавзуга доир:
Изоҳ (0)