Куз ва қиш — организмнинг ташқи омилларга нисбатан сезгирлиги ошган давр. Совуқ ҳавода организмда суяк ва бўғимларни соғлом сақлаш учун асосий компонентлар бўлган витамин ҳамда минералларнинг кескин танқислиги юзага келади, деб ёзади Marie Claire.
Организмда деярли барча фойдали элементлар (соч, тери, тирноқ, суяк, бўғим, томирлар) нинг бир қисми бўлган коллаген ва оқсилнинг табиий ишлаб чиқарилиши тахминан 25 ёшда тугайди. Шу пайтдан бошлаб одам, қоида тариқасида, юқорида кўрсатилган элементларнинг етишмаслигидан азият чекадиган суяк ва бўғимларни мустаҳкамлашга ёрдам берадиган қўшимча витамин, минераллар ва элементларни қабул қилиб бориши муҳим.
D3 витамини (холекалциферол)
Д3 витамини «қуёш» витамини деб ҳам аталади: у табиий равишда терида — ультрабинафша нурларининг бевосита таъсири остида ишлаб чиқарилади. Ушбу витаминни қабул қилиш учун рацион салқин кунларда лосос ва бошқа турдаги ёғли балиқ, пишлоқ, сариёғ, қизил гўшт, балиқ жигари, қўзиқоринлар, сигир сути ва тухум сариғини ўз ичига олиши керак.
Бу витамин менопаузадаги ёки ҳомиладор аёллар учун кўпроқ муҳимдир. Холекалсиферол рахитнинг олдини олади, суякларнинг ўсишига ёрдам беради, скелетни қўллаб-қувватлайди, мушакларнинг тонусини оширади, гормонал ҳолатни барқарорлаштиради, аммо кальцийсиз сўрилмайди. Шунинг учун D витамини кальций билан биргаликда қабул қилиниши керак.
Кальций инсон организмида энг кўп бўлган минералдир. У тиш ва суякларнинг салматлиги учун жавобгардир, шунинг учун остеопорознинг олдини олиш ва стоматологик харажатларни тежашни истовчилар D3 + Cа билан ёшликданоқ яхши дўст бўлиши керак.
Глюкозамин ва хондроитин (хондроитин сульфат ва глюкозамин сульфат)
Ушбу моддалар тўқималарининг синтезида ва регенератив жараёнларида фаол иштирок этади. Улар жароҳат олганлар учун ажралмас компонентлардир; катта ёшдаги одамлар, спорт билан фаол шуғулланадиган спортчилар учун жуда фойдали.
Глюкозамин бўғимларни кучайган стресс остида сақлаш ва қўллаб-қувватлаш имконини беради, шунда бириктирувчи тўқима камроқ эскиради ва тикланишга улгуради. Бу яллиғланишни камайтиради, эритилган кальцийни сақлайди ва остеопороз ҳамда остеохондроз хавфини камайтиради. Ҳаракатсиз турмуш тарзи, ортиқча вазн, нотўғри овқатланиш, суяк ва бўғимларнинг касалликларига мойиллик глюкозамин ва хондроитин қўшимчаларини қўллаш учун кўрсатма ҳисобланади.
Креатин
Креатин — азот ўз ичига олган карбоксилик кислота, ҳар қандай ҳаракат ва энергия алмашинуви учун зарур бўлган табиий моддадир. Креатин учта аминокислотадан — глицин, аргинин ва метиониндан иборат бўлиб, кўпинча кислоталарни зарарсизлантириш ва мушак массасини ошириш учун юқори интенсивликдаги машқларда қўлланилади.
Креатин метаболизмни тезлаштириш учун зарурдир. У организмда табиий равишда синтезланади, лекин миқдори оз. Шунинг учун агар қўшимча равишда машқ қилсангиз ёки профессионал спорт билан шуғуллансангиз, ушбу табиий модда етарли бўлмайди. Креатинни озиқ-овқат билан истеъмол қилиш ёки қўшимчасини қабул қилиш мумкин.
Биотин (B7 витамини)
Биотин кўпинча гўзаллик витамини деб аталади. Тери, тирноқ ва сочларнинг ҳолатига ижобий таъсир кўрсатади ва маълум аминокислота ҳамда ёғларни ишлаб чиқариш учун зарурдир. Организмда унинг етишмаслиги натижасида сочлар тўкила бошлайди, тери қурийди ва дерматит кузатилади, кўпинча кўнгил айниши пайдо бўлади ва анорексия кучаяди.
Ушбу витаминнинг асосий манбаларидан бири — нон ва хамиртурушли бошқа маҳсулотлар, шунингдек, мол гўшти ва товуқ жигари, буйраклар, соя, турли ёнғоқлар, дон ва тухум сариғи. Бу витамин ўсимликка асосланган озиқ-овқатларда анча юқори миқдорда мавжуд, шунинг учун вегетарианлар уларни эътиборсиз қолдирмасликлари керак.
Мис
Мис — темирнинг қонда сўрилиши, табиий коллаген ва энергия ишлаб чиқариш учун масъул бўлган муҳим элемент. Табиий мис танқислиги камдан-кам учрайди ва кўпинча туғма касалликлар ёки оғир овқатланиш бузилиши билан боғлиқ.
Шунингдек, мис катта ёшдаги одамлар учун мураккаб ёриқларни даволашни тезлаштириш ва жароҳатдан кейинги оғриқни бартараф учун буюрилади. Мис кўплаб озиқ-овқатларда мавжуд, шунинг учун агар ушбу элементни истеъмол қилиш билан организмга ёрдам беришни истасангиз, рационга ғоз жигари, қўзиқорин, ясмиқ, бодом ва шоколадни киритиш тавсия этилади.
Изоҳ (0)