Kuz va qish — organizmning tashqi omillarga nisbatan sezgirligi oshgan davr. Sovuq havoda organizmda suyak va bo‘g‘imlarni sog‘lom saqlash uchun asosiy komponentlar bo‘lgan vitamin hamda minerallarning keskin tanqisligi yuzaga keladi, deb yozadi Marie Claire.
Organizmda deyarli barcha foydali elementlar (soch, teri, tirnoq, suyak, bo‘g‘im, tomirlar) ning bir qismi bo‘lgan kollagen va oqsilning tabiiy ishlab chiqarilishi taxminan 25 yoshda tugaydi. Shu paytdan boshlab odam, qoida tariqasida, yuqorida ko‘rsatilgan elementlarning yetishmasligidan aziyat chekadigan suyak va bo‘g‘imlarni mustahkamlashga yordam beradigan qo‘shimcha vitamin, minerallar va elementlarni qabul qilib borishi muhim.
D3 vitamini (xolekalsiferol)
D3 vitamini “quyosh” vitamini deb ham ataladi: u tabiiy ravishda terida — ultrabinafsha nurlarining bevosita ta’siri ostida ishlab chiqariladi. Ushbu vitaminni qabul qilish uchun ratsion salqin kunlarda losos va boshqa turdagi yog‘li baliq, pishloq, sariyog‘, qizil go‘sht, baliq jigari, qo‘ziqorinlar, sigir suti va tuxum sarig‘ini o‘z ichiga olishi kerak.
Bu vitamin menopauzadagi yoki homilador ayollar uchun ko‘proq muhimdir. Xolekalsiferol raxitning oldini oladi, suyaklarning o‘sishiga yordam beradi, skeletni qo‘llab-quvvatlaydi, mushaklarning tonusini oshiradi, gormonal holatni barqarorlashtiradi, ammo kalsiysiz so‘rilmaydi. Shuning uchun D vitamini kalsiy bilan birgalikda qabul qilinishi kerak.
Kalsiy inson organizmida eng ko‘p bo‘lgan mineraldir. U tish va suyaklarning salmatligi uchun javobgardir, shuning uchun osteoporozning oldini olish va stomatologik xarajatlarni tejashni istovchilar D3 + Ca bilan yoshlikdanoq yaxshi do‘st bo‘lishi kerak.
Glyukozamin va xondroitin (xondroitin sulfat va glyukozamin sulfat)
Ushbu moddalar to‘qimalarining sintezida va regenerativ jarayonlarida faol ishtirok etadi. Ular jarohat olganlar uchun ajralmas komponentlardir; katta yoshdagi odamlar, sport bilan faol shug‘ullanadigan sportchilar uchun juda foydali.
Glyukozamin bo‘g‘imlarni kuchaygan stress ostida saqlash va qo‘llab-quvvatlash imkonini beradi, shunda biriktiruvchi to‘qima kamroq eskiradi va tiklanishga ulguradi. Bu yallig‘lanishni kamaytiradi, eritilgan kalsiyni saqlaydi va osteoporoz hamda osteoxondroz xavfini kamaytiradi. Harakatsiz turmush tarzi, ortiqcha vazn, noto‘g'ri ovqatlanish, suyak va bo‘g‘imlarning kasalliklariga moyillik glyukozamin va xondroitin qo‘shimchalarini qo‘llash uchun ko‘rsatma hisoblanadi.
Kreatin
Kreatin — azot o‘z ichiga olgan karboksilik kislota, har qanday harakat va energiya almashinuvi uchun zarur bo‘lgan tabiiy moddadir. Kreatin uchta aminokislotadan — glitsin, arginin va metionindan iborat bo‘lib, ko‘pincha kislotalarni zararsizlantirish va mushak massasini oshirish uchun yuqori intensivlikdagi mashqlarda qo‘llaniladi.
Kreatin metabolizmni tezlashtirish uchun zarurdir. U organizmda tabiiy ravishda sintezlanadi, lekin miqdori oz. Shuning uchun agar qo‘shimcha ravishda mashq qilsangiz yoki professional sport bilan shug‘ullansangiz, ushbu tabiiy modda yetarli bo‘lmaydi. Kreatinni oziq-ovqat bilan iste’mol qilish yoki qo‘shimchasini qabul qilish mumkin.
Biotin (B7 vitamini)
Biotin ko‘pincha go‘zallik vitamini deb ataladi. Teri, tirnoq va sochlarning holatiga ijobiy ta’sir ko‘rsatadi va ma’lum aminokislota hamda yog‘larni ishlab chiqarish uchun zarurdir. Organizmda uning yetishmasligi natijasida sochlar to‘kila boshlaydi, teri quriydi va dermatit kuzatiladi, ko‘pincha ko‘ngil aynishi paydo bo‘ladi va anoreksiya kuchayadi.
Ushbu vitaminning asosiy manbalaridan biri — non va xamirturushli boshqa mahsulotlar, shuningdek, mol go‘shti va tovuq jigari, buyraklar, soya, turli yong‘oqlar, don va tuxum sarig‘i. Bu vitamin o‘simlikka asoslangan oziq-ovqatlarda ancha yuqori miqdorda mavjud, shuning uchun vegetarianlar ularni e’tiborsiz qoldirmasliklari kerak.
Mis
Mis — temirning qonda so‘rilishi, tabiiy kollagen va energiya ishlab chiqarish uchun mas’ul bo‘lgan muhim element. Tabiiy mis tanqisligi kamdan-kam uchraydi va ko‘pincha tug‘ma kasalliklar yoki og‘ir ovqatlanish buzilishi bilan bog‘liq.
Shuningdek, mis katta yoshdagi odamlar uchun murakkab yoriqlarni davolashni tezlashtirish va jarohatdan keyingi og‘riqni bartaraf uchun buyuriladi. Mis ko‘plab oziq-ovqatlarda mavjud, shuning uchun agar ushbu elementni iste’mol qilish bilan organizmga yordam berishni istasangiz, ratsionga g‘oz jigari, qo‘ziqorin, yasmiq, bodom va shokoladni kiritish tavsiya etiladi.
Izoh (0)