Бразилияда 37 ёшли Мейривоне Роша Мораэс 2021 йил декабрь ойида онаси тикиб берган Марсело исмли латта қўғирчоққа турмушга чиққанди. Аёл турмуш қурганига бир йил ҳам бўлмасдан «эри» унга хиёнат қилганини айтди. Бу ҳақда Mirror хабар берди.
Аёлнинг сўзларига кўра, Марсело бошқа аёл билан меҳмонхонага борган. У «эри»нинг телефонидан бу бўйича хабарлар ўқиганини айтди.
«Қаттиқ хафа бўлдим ва ухлай олмадим, чунки эримни жуда яхши кўраман. Дугонам Марсело бошқа аёл билан меҳмонхонага кирганини кўрганини айтганди. Бу вақтда мен вирусга чалинган ўғлимиз Марселино билан уч кун касалхонада эдик. Эрим хиёнатни рад этмоқда. Аввалига у ёлғон гапиряпти деб ўйладим, унинг телефонини кўздан кечира бошладим ва ёзишмалардан менга хиёнат қилганини тушундим.
У ҳамма нарсани инкор этишда давом этди ва севишини айтди. Кўп кечирим сўради ва йиғлади. Шу пайт ўғлим ҳам қўрқиб кетганидан йиғлади. Эримга нима қилиб қўйганингни кўряпсанми?, дедим. Ундан ўша аёл кимлигини сўрадим ва у жавоб бермади», — деди аёл TikTok’да.
У бевафо «эрини» ҳайдаб чиқармоқчи эканини айтди, лекин уларнинг «ўғли»( у ҳам матодан тикилган қўғирчоқ) «отасини» соғиниб қолишини ўйлаганини таъкидлади.
«Муҳаббатим уни кечиришга мажбур қилди, эримсиз яшай олмайман деб ўйлайман. У билан гаплашишим керак, шунда у энди хиёнат қилиш ёки қилмаслигини айтади. Агар бу такрорланса, мен уни кечирмайман», — деб таъкидлади алданган «хотин».
Изоҳ (0)