Республикачилар 218 та ўрин билан АҚШ Конгресси Вакиллар палатаси устидан назоратни қўлга киритди. Демократлар 208 ўринга эгалик қилмоқда. Яна тўққизта ўрин аниқлаштирилмаган.
Нашрнинг ёзишича, воқеаларнинг бундай натижаси АҚШ президенти Жо Байденнинг ички кун тартибига ғов бўлади ва Оқ уйни «қаттиқ текширувлар»га дучор қилиши мумкин.
Ўз навбатида, Байден республикачиларни ғалаба билан табриклади ва улар билан ҳамкорликка тайёр эканини айтди.
«Америкаликлар биздан улар учун ҳаракат қилишимизни кутмоқда. Улар биздан ўзлари учун муҳим бўлган масалаларга ва ҳаётини яхшилашга эътибор қаратишимизни хоҳлайди. Мен эса улар учун натижаларга эришишда мен билан ишлашни истаган ҳар бир киши билан ҳамкорлик қиламан, у хоҳ республикачи бўлсин, хоҳ демократ», — дейилади Оқ уй баёнотида.
Республикачилар партиясининг Вакиллар палатасидаги ғалабаси демократ Нэнси Пелосининг Вакиллар палатаси спикери сифатидаги иккинчи муддатини тугатади. Янги спикер Республикачилар палатаси етакчиси Кевин Маккарти бўлиши кутилмоқда.
АҚШда оралиқ сайловлар 8 ноябрь куни бўлиб ўтди. Унда Вакиллар палатасининг бутун таркибини (435 ўрин) ва Сенатнинг учдан бир қисмини (юздан 35 ўрин) қайта сайланди. Бундан ташқари, 36 штатда янги губернаторлар сайланган.
Сенат устидан назоратни Демократик партия ўрнатди. Демократлар 50 ўринни қўлга киритди, республикачилар эса 49 ўринга эгалик қилмоқда. Томонлар тенг овоз олган тақдирда, демократ, вице-президент Камала Харрис ҳал қилувчи овозни бериш имконига эга.
Изоҳ (0)