Жаҳон соғлиқни сақлаш ташкилоти (ЖССТ) бир миллиардга яқин ёшлар қулоқчин ёрдамида мусиқа тинглаши ёки баланд мусиқали жойларга бориши туфайли эшитиш қобилиятини йўқотиш мумкинлигини маълум қилди. Бу ҳақда Medical Express хабар берди.
Мутахассислар ёшларни қулоқчинда мусиқа эшитаётганда эҳтиёт бўлишга чақирди. Ҳукуматлар ва ишлаб чиқарувчилардан эса келажакда эшитиш қобилиятини ҳимоя қилиш учун кўпроқ ҳаракат қилиш сўралди. ЖССТ ҳисобот доирасида 12 ёшдан 34 ёшгача бўлган 19 мингдан ортиқ иштирокчиларни қамраб олган 33 та тадқиқот маълумотларини кўриб чиқди.
Натижада, ёшларнинг 24 фоизи қулоқчиндан келаётган баланд мусиқа оқибатида, 48 фоизи концерт ва тунги клубларга ташриф буюргани ортидан эшитиш қобилиятига зарар етказгани аниқланди. Ушбу маълумотларни бирлаштириб, экспертлар 670 миллиондан 1,35 миллиардгача одам эшитиш қобилиятини йўқотиш хавфи остида бўлиши мумкин деган хулосага келди.
Мавзуга доир:
Изоҳ (0)