Чеченистон раҳбари Рамзан Қодиров ўз Telegram-канали орқали Украина президенти Владимир Зеленский тақдим этган тинчлик музокаралари учун шартларни «беъмани» деб атади.
Сўнг Қодиров бу борадаги ўз шартларини илгари сурди. Чеченистон раҳбарининг таъкидлашича, унинг шартлари «ҳақиқатга яқинроқ».
Украина раҳбарияти билан музокаралар учун кулгили шартлар. Агар Зеленский сафарбар қилинган нафақахўрлари ҳақида қайғурганида эди, у «шартлар» сўзини ишлатмаган бўларди, балки ўз халқи учун тиз чўкарди, чунки у президент этиб сайланиши учун тиз чўккан.Аввалроқ Украина раҳбари Владимир Зеленскийнинг урушни тугатиш борасидаги 10 та шартини айтгани ҳақида хабар қилинган эди.Украина расмийлари шартларни дикта қилишда нотўғри позицияда. Бизнинг ўз шартларимиз бор ва улар анча реалроқдир:— ЛХР, ДХР, Запорожье, Херсон, Қрим ва Севастополни Россияники деб тан олиш;— Русийзабон аҳолига нисбатан ваҳшийлик учун масъул бўлган барча фашистик жиноятчилар ва шайтонларни экстрадиция қилиш ёки улар устидан расмий суд жараёни ташкил этиш ва эркинликни муносиб равишда чеклаш.
Кўриб турганингиздек, Зеленскийнинг шартларидан фарқли ўлароқ, ҳеч қандай мураккаб нарса йўқ. Аммо урушнинг тугаши учун етарли.
Унгача шахсан мен музокаралар ҳақида «дудуқланиш»ни ҳам қабул қилиб бўлмайди, деб ҳисоблайман.
Ва шуни эслатмоқчиманки, агар имконсиз нарса тўсатдан рўй берса ва Украина ушбу шартларга риоя қилмаса, Чеченистон Республикасида бандера фашистлари ва шайтонларини ҳар бир томчи қон учун жавоб беришга мажбур қиладиган кўнгиллилар, шу жумладан, мен ҳам борман.
Биз бу сатанизм билан ёнма-ён яшай олмаймиз. Биз Ғарбга Украинага ёрдам бериш ниқоби остида демократия ҳақида лағмон осишига, буюк мамлакатимизни вайрон қилишига, урф-одатларимиз ва Қодир Тангрига бўлган ишончимизни унуттириб юборишига йўл қўймаймиз. Ва агар қолган украиналикларда буни тан олиш ва НАТО ҳарбийларини мамлакатдан ҳайдаб чиқариш учун жасорат етишмаса, буни биз қила оламиз. Хотиржам бўлинг, бизда Олий қўмондоннинг буйруғини бажариш ва сатанистларни Россияга қарши туришдан қайтариш учун кўнгиллиларимиз, қуролларимиз ва иштиёқимиз етарли.
Айтганча, украиналиклар, ўзингизга савол беринг: нега НАТО қўшинлари деярли ҳар доим жанг майдонини муваффақиятли тарк этади, сафарбар қилинганлар асирга олинади ёки ўлдириладими?
Рамзан Қодиров, Чеченистон президенти
Изоҳ (0)