«Охирги авлод» ташкилотининг экология фаоллари Густав Климтнинг Венадаги Леополд музейида намойиш этилган «Ўлим ва ҳаёт» картинасига қора суюқлик тўкди, деб хабар қилади «РИА Новости».
Фаоллардан бири расмга ёпишиб олгани акс этган суратлар ва видеолар ижтимоий тармоқларни тўлдирди.
Картинанинг рамкаси, пол ва девор шикастланган. Маданият муассасаси директорининг сўзларига кўра, расмнинг ўзига зарар етмаган. Воқеа жойига полиция етиб келган.
Сўнгги пайтларда санъат объектлари экофаоллар томонидан тобора кўпроқ ҳужумга учрамоқда. Ушбу вандализм тўлқини Британия ҳукуматини қазиб олинадиган ёқилғидан фойдаланиш, ишлаб чиқиш ва қазиб олиш учун барча лицензияларни бекор қилиш ва уларни энди бермаслик учун босим ўтказмоқчи бўлган Just Stop Oil гуруҳи томонидан бошланган.
11 ноябрь куни 92 та таниқли музейлар, жумладан Лувр (Париж) ва Прадо (Мадрид) раҳбарлари экофаолларнинг санъат асарларига ҳужумлари тўлқини муносабати билан очиқ хат билан чиққан.
Мавзуга доир:
Изоҳ (0)