Россия президенти Владимир Путин Ғарб давлатлари Россияни заифлаштиришга ва унинг суверенитетини «силкитиш»га уринаётганини таъкидлади, деб ёзади «РБК».
Путиннинг айтишича, Ғарб «тарихни бузиб, хурофотларни тарғиб қилади ва қадриятларни хиралаштиради».
«Бундай сценарий, кўриб турганимиздек, баъзи мамлакатларда, шу жумладан Украина ва бошқа бир қатор давлатларда аллақачон синовдан ўтган. Мамлакатимиз – Россия билан ҳам шундай қилишга уринишлар бўлди, лекин, айтганимдек, биз ўз манфаатларимизни ҳимоя қилиш учун ўз вақтида ва қатъий тўсиқ қўйдик», — деди Путин.
Октябрь ойи охирида Путин Валдай форумида сўзлаган нутқида Ғарб ўз қадриятларини татбиқ этишда ва бозорларни кенгайтиришда давом этаётганини айтиб, айнан унинг маданияти ва дунёқараши универсал бўлиши кераклигини таъкидлаган эди. «Ўтган 50 йил ичида Ғарбнинг ирқчилик ва неоколониал хатти-ҳаракатлари «хунук шакл» олди», — деган эди Путин. «Айниқса, бир қутбли дунё пайдо бўлгандан кейин», — дея қўшимча қилган у.Путин янги «ҳокимият марказлари» шаклланиши ва кўп қутбли дунё пайдо бўлиши ҳақида бир неча бор гапирган. Ушбу мавзу бўйича энг диққатга сазовор нутқлардан бири унинг 2007 йилда Мюнхен хавфсизлик конференциясидаги нутқи бўлди. 13 октябрь куни Остонадаги форумда у Россия халқаро ҳуқуқ тамойилларига асосланган тенг ва ажралмас хавфсизлик тизимини яратиш тарафдори эканини ва Осиё давлатлари билан биргаликда уни шакллантириш учун ҳамма нарсани қилаётганини таъкидлаган.
Изоҳ (0)