Давлат тест маркази ҳузуридаги Илмий-ўқув амалий маркази томонидан чет тилидан тинглаб тушуниш ва ўқиш кўникмаларини баҳолашга қаратилган тест топшириқларини шакллантириш бўйича малака ошириш курси ташкил этилмоқда. Бу ҳақда ДТМ ахборот хизмати хабар берди.
Қайд этилишича, малака ошириш курси 48 соатга мўлжалланган. 22 ноябрдан 9 декабрга қадар Zoom платформаси орқали онлайн шаклда бўлиб ўтади.
Унда тингловчиларга тест топшириқларини шакллантириш бўйича назарий ва амалий машғулотлар (ўзбек тилида) ўтказилади.
Малака ошириш курсини муваффақиятли тамомлаган талабгорлар шартнома асосида ДТМга эксперт сифатида жалб этилиши мумкин.
Малака ошириш курсида иштирок этиш истагини билдирган талабгорлар 21 ноябрь кунига қадар my.dtm.uz орқали рўйхатдан ўтиб, тўловни (540 000 сўм) амалга оширган ҳолда курсда иштирок этишлари мумкин бўлади.
Изоҳ (0)