Америка урушни ўрганиш институтига кўра, Херсоннинг бой берилиши урушни қўллаб-қувватлаётган амалдорлар ва Владимир Путин ўртасидаги келишмовчиликни чуқурлаштирди. Шунингдек, ҳарбий экспертларнинг таъкидлашича, Россия қўшинлари раҳбарияти хилма-хил бўлинмалардан ягона армия йиға олмаяпти. Евгения Пригожинга қарашли «Вагнер» ёлланма жангчилар гуруҳига алоқадор Грэй Зоне Telegram канали гуруҳнинг фронтдан қочиб кетган ва Киевга таслим бўлган собиқ жангчиси ўлдирилиши акс этган видеони эълон қилди. Пригожиннинг ўзи видеони «ажойиб режиссёрлик иши» деб атади. Шу билан бирга, Киевдаги «Gulagu.net» лойиҳаси манбалари «Вагнер»чилар ҳарбий асирлар алмашинуви доирасида озод этилганини даъво қилмоқда.
«Укрзализница» хабар беришича, яқин орада озод қилинган Херсон билан темир йўл алоқаси тикланади. Бироқ расмийлар Россия томонидан ўққа тутилиши хавфи юқорилиги сабаб Херсон вилоятининг озод қилинган қисми аҳолисини бошқа ҳудудларга эвакуация қилишга чақирди. Meduza урушнинг 263-кунига оид асосий фотосуратларини тақдим этди.
Херсондаги ҳаёт ва шаҳар атрофидаги озод қилинган қишлоқлар
10 ноябрь куни Украина Қуролли кучлари назоратига ўтган Николаев вилоятининг Вавилово қишлоғи озод этилгандан сўнг украиналик аскар онасини бағрига босмоқда. Вавилово Николаев ва Херсон ўртасида жойлашган бўлиб, у ерга Украина қўшинлари 11 ноябрь куни кирди. Ўша куни Николаев вилояти ҳарбий бошқармаси бошлиғи Виталий Ким деярли бутун вилоят озод қилинганини, аммо Кинбурн кос ҳудуди Россия назорати остида қолаётганини айтди. Кинбурн кос — Николаевдаги қумли яриморол, уни бир томондан Қора денгиз, иккинчи томондан Днепр кўрфази ювиб туради.Фото: AP Photo
Украина ҳарбийлари шаҳарни озод қилганидан кейин херсонлик фуқаро автомобиль кузовидаги З белгисини бўяб ташламоқда. Херсон — Украинада Россия кенг миқёсли босқинда қўлга киритган ягона минтақавий марказ. Шаҳар саккиз ойдан кўпроқ вақт истило остида бўлди.Фото: AFP
Херсондан 26 километр узоқликда жойлашган Новокиевка қишлоғи аҳолисига инсонпарварлик ёрдами етказилмоқда. Херсон каби Новокиевка ҳам 11 ноябрь куни Украина Қуролли кучлари назоратига ўтди.Фото: AP Photo
Херсонлик киши шаҳарнинг озод қилинишини нишонлаш пайтида украиналик аскарга миннатдорлик билдирмоқда.Фото: AP Photo
Херсон аҳолиси украиналик ҳарбийларни қарши олмоқда.Фото: AFP
Украиналик аскар ва Херсон аҳолиси дарахтларга боғланган талончиларга қараб турибди. Шаҳар озод қилинганидан сўнг, талончилар шаҳар аҳолисининг квартираларини талон-торож қилгани ҳақида далиллар пайдо бўлди.Фото: AP Photo
Херсон кўчасида оккупацион маъмурият томонидан Россияни қўллаб-қувватлаш учун ўрнатилган баннер қолдиқлари. Шаҳар Украина Қуролли кучлари назоратига ўтгач, аҳоли бу плакатларни олиб ташлай бошлади.Фото: Anadolu
Фото: Anadolu
Фото: Anadolu
Фото: AP Photo
Портлатилган Антонов кўприги. Кўприкни рус ҳарбийлари шаҳардан чекиниш пайтида портлатгани айтилмоқда. Ҳукуматпараст ОАВ ва «ҳарбий мухбирлар» Антонов кўпригидаги портлаш ҳақида хабарлар бермоқда, аммо Россия ҳукумати Херсондан чиқиб кетганидан кейин кўприкни вайрон қилганини тасдиқламади.Фото: AP Photo
Киев ва Киев вилоятида Банксининг стрит-артлари қидирилмоқда
12 ноябрь куни Киев яқинидаги вайрон бўлган Бородянкада Бэнксининг услубини эслатувчи учта граффити пайдо бўлди. Кўп ўтмай улардан бирини таниқли аноним рассомнинг ўзи яратгани тасдиқланди. Ўшандан бери Киев ва унга яқин шаҳарларда Бэнксининг стрит-артига ўхшаш яна бир нечта граффитилар пайдо бўлди. Уларнинг муаллифлари тасдиқланмаган, аммо улар туширилган нуқталар аллақачон диққатга сазовор жойга айланди. Биринчи марта бундай граффити Киев марказида —Майданда ўн кун олдин пайдо бўлган. Энди у ҳам Бэнксига тегишли экани айтилмоқда.
Бородянкада Банкси томонидан чизилган граффити.Фото: Reuters
Ирпендаги граффити. Ушбу расм муаллифлиги тасдиқланмаган.Фото: Reuters
Бородянкадаги яна бир граффити. Бэнкси бу расмга ҳеч қандай изоҳ бермади.Фото: Reuters
Изоҳ (0)