Исроил Суриядаги Эрон ва Россия ҳарбийлари томонидан фойдаланиб келинган йирик авиабазага ракета ҳужуми уюштирди. Бу ҳақда Сурия ОАВларига таяниб, «Korrespondent.net» хабар берди.
Хусусан, SANA ахборот агентлигининг хабар беришича, Шайрат аэродромига ракета ҳужуми оқибатида икки нафар ҳарбий хизматчи ҳалок бўлган, уч нафари яраланган.
Ҳарбий манбаларнинг аниқлик киритишича, бу авиабаза Ҳомс шаҳри жануби-шарқида жойлашган ва яқинда ундан Эрон ҳарбийлари фойдаланган.
Шунингдек, ҳуқуқ-тартибот идораларидаги манбаларнинг хабар беришича, Сурияда ҳарбий иштирокини сақлаб турган Россия қўшинлари Шайрат авиабазаси яқинида жойлашган ва бу объектдан фойдаланиб келади.
Сурия Инсон ҳуқуқлари маркази (СОHR) Исроил қирувчи самолётларидан тўртта ракета нишонга учирилганини ёзди.
Исроил мудофаа кучлари анъанасига мувофиқ бундай операциялар ҳақидаги хабарларга изоҳ беришдан бош тортмоқда.
Изоҳ (0)