Бугун фақат ақлдан озган одам Украинанинг НАТОга қўшилиши ҳақида ўйлаши мумкин, шунингдек, альянснинг кенгайиши унинг хавфсизлигини мустаҳкамлашга ёрдам бермайди, деди Россия ташқи ишлар вазири ўринбосари Александр Грушко «РИА Новости»га.
«Украинанинг НАТОга кириши ҳақида фақат ақлдан озган одам ўйлаши мумкин. Балки бу Ғарбнинг оқилона хатти-ҳаракатларидан келиб чиқаётгандир, аммо бу беъманилик», — деди дипломат.
У 2008 йилда Украина ва Грузиянинг НАТОга аъзо бўлиши мумкинлиги ҳақида қарор қабул қилинган Бухарест саммитидан олдин ҳам Россия бундай қадам хавфи ҳақида огоҳлантирганини эслатди.
Россия ТИВ вазирининг ўринбосари таъкидлашича, НАТО муҳим тамойилни — бирорта давлат ўз хавфсизлигини бошқаларнинг хавфсизлиги ҳисобига мустаҳкамлашга ҳақли эмаслигини унутиб қўймоқда.
«НАТОнинг кенгайиши альянснинг хавфсизлик манфаатларига ҳеч қандай алоқаси йўқ жараён. Очиқ эшиклар сиёсатини амалга ошириш учун НАТОнинг ўзи ишлаб чиққан мезонларга назар ташласангиз, унда ҳар қандай кенгайиш НАТО хавфсизлигини мустаҳкамлаши кераклиги айтилади. Ва агар реалликка қарасангиз, ҳар қандай кенгайиш НАТО хавфсизлигини ёмонлаштирмоқда.
Айтганча, Финляндия ва Швециянинг қабул қилиниши ҳам НАТО хавфсизлигини ёмонлаштиради, чунки НАТО томонидан асосий душман ва таҳдид деб эълон қилинган Россия билан 1200 километрдан ортиқ туташ чизиқ яратилмоқда», — дея хулоса қилди Грушко.
Украина НАТОга тезлаштирилган тартибда аъзо бўлиш учун ариза топширди
Оқ уй жараённи бошқа вақтда муҳокама қилиш керак, деб ҳисобламоқда.
Изоҳ (0)