Украина мудофаа вазири Алексей Резников Украина Россиядаги ички инқироз фонида Қримни курашсиз қайтариб олиши мумкинлигига ишора қилди, деб ёзади Reuters.
Унга кўра, Украина қўшинлари Херсон вилоятидаги Днепр дарёсига етиб келган бўлса ҳам, HIMARS ёки бошқа қуроллар ёрдамида босиб олинган Қримдаги нишонларга зарба бера олмайди.
Бироқ вазир ярим орол жангсиз Украина назоратига қайтишига ишонади. Мудофаа вазирлиги раҳбарининг фикрича, бу Россиянинг ўзида юзага келган ички қарама-қаршиликлар натижасида содир бўлади.
Вазир, шунингдек, Херсон шаҳридан рус қўшинларининг чиқиб кетиши учун камида бир ҳафта вақт кетишини, қиш эса жангларни секинлаштириши, ҳар икки томон учун ҳам тикланиш имкониятини беришини айтган.
«Қиш барча томонлар учун жанг майдонидаги ҳар қандай фаолликни секинлаштиради. Бу барча томонлар учун фойдалидир. Сиз ҳам дам оласиз», —деди у.
У Британияда таҳсил олаётган минглаб украин аскарлари эвазига Киев танаффусдан анча кучлироқ бўлиб қайтишини таъкидлади.
Маълум қилинишича, Днепрнинг чап қирғоғига жами 30 мингдан ортиқ россиялик ҳарбий хизматчи ва 5 мингга яқин қурол-яроғ ва ҳарбий техника олиб ўтилган.
Изоҳ (0)