Украина суди Россия томонида жанг қилган танкчини 12 йилга озодликдан маҳрум қилди, деб хабар берди Meduza Украина Хавфсизлик хизматига таяниб.
Кимлиги ошкор этилмаган (фақат унинг чақирув белгиси «Фил» экани маълум) эркак уруш пайтида Т-72 танкининг оператори сифатида Мариуполдаги кўп қаватли уйларга камида 20 марта ўқ узганликда айбланган.
У апрель ойи охирида Донецк вилоятининг Равнопол қишлоғи яқинида Украина қуролли кучларидан қабул қилинган зарба натижасида яраланиб, асирга олинган.
Украина Хавфсиз хизматининг таъкидлашича, танкчига қарши «инкор этиб бўлмас далиллар» тўпланган. Суд уни давлатга хиёнат қилиш ва ноқонуний қуролли тадбирда иштирок этиш моддалари бўйича айбдор деб топди.
Украина Хавфсизлик хизмати судланувчи 2014 йилдан бери ўзини ўзи эълон қилган ДХР қўшинлари сафида бўлганини ва Россиянинг Украинага босқини бошида Россия Қуролли Кучларининг 8-гвардия бирлашган қуролли армиясига қўшилганини билдирди.
Изоҳ (0)