Кўпчилик афсонавий эртакларнинг фақат биргина экранлаштирилган версиясини томоша қилган. Аслида эса эртак қаҳрамонлари бошқа мамлакатларда бошқача тасвирланган картиналар етарлича топилади.
Пиноккио
Пиноккио режиссёр ва аниматорларнинг энг севимли қаҳрамонларидан бири, чунки у ҳақида кўплаб бадиий ва анимацион фильмлар суратга олинган. 1976 йилдан 1977 йилгача Японияда «Пикколинонинг саргузаштлари» сериали намойиш этилади. 2019 йилда италиялик режиссёр Маттео Гарроне «Пиноккио» фильмини суратга олади, орадан 3 йил ўтиб Роберт Земеккиснинг шу номдаги картинаси экранларга чиқади.
Маугли
1967 йилда Американинг Walt Disney студияси «Жунгли китоби» мультфильмини намойиш этди. Мазкур картина Уолт Диснейнинг ўзи ишлаб чиқарган сўнгги фильми ва унинг ўлимидан кейин чиқарилган биринчи анимацион фильм бўлди. 1989 йилдан 1990 йилгача Японияда «Жунгли китоби: Мауглининг саргузаштлари» анимацион сериали чиқди.
Қарсилдоқ
Эрнст Теодор Амадеус Хоффманнинг «Қарсилдоқ» ҳақидаги севимли Рождество эртаги ҳам бир неча бор суратга олинган. 2010 йилларнинг ўрталарида ушбу асарнинг камида 2 та варианти чиқди. 2015 йилда Германияда «Қарсилдоқ ва сичқонлар қироли» фильми, худди шу йили Перуда «Қарсилдоқнинг сеҳрли қироллиги» фильми ҳам намойиш этилди.
Уйқудаги малика
«Уйқудаги малика» узоқ вақтдан бери турли мамлакатларда бир неча марта суратга олинган классика бўлиб келган. Чехословакияда 1978 йилда суратга олинган «Маликани қандай уйғотиш керак» картинаси машҳур бўлди. Германияда, шунингдек, «Уйқудаги малика» (2009) деб номланган эртакнинг ўзига хос фильми мавжуд. Қўшма Штатлар ҳам ўз версияси билан мақтаниши мумкин — 2016 йилда «Ланъатланган уйқудаги малика» картинаси чиқарилган.
Белл
«Соҳибжамол ва махлуқ» бутун дунёда машҳур бўлган яна бир эртак бўлиб, у ҳам киноижодкорлар эътиборидан четда қолмаган. У илк бор 1740 йилда француз ёзувчиси Габриэла Сузанне Барбо де Виллнёв томонидан яратилган. 2010 йилда Бел ва махлуқ севгиси ҳақидаги («Соҳибжамол ва махлуқ») фильмининг Австралия томонидан ишланган версияси чиқди. 4 йил ўтгач, худди шу ном остида эртакнинг француз фильмига мослашуви, 2017 йилда эса АҚШники чиқди. Америка фильмидаги Белл ролини Эмма Уотсон ажойиб тарзда гавдалантирган.
Питер Пен
Питер Пен 20-аср болалар адабиётидаги энг машҳур қаҳрамонлардан бири. Унинг яратувчиси шотланд ёзувчиси ва драматурги Ж. М. Барри ҳисобланади. Бу болакай ҳақидаги ҳикоя биринчи марта 1924 йилда суратга олинган. «Питер ва Венди» (2015) — Питер Пен бош қаҳрамонга айланган фильмлардан бири. «Эртаклар оламида» сериалида эса бу образга салбий бўёқ берилган.
Золушка
Золушка кўплаб мамлакатларда энг севимли эртаклардан биридир. У асосан ака-ука Гриммлар, Шарл Перро ва Жамбаттиста Базиле нашрлари билан таниш. Умуман олганда, ушбу асарнинг 100 дан ортиқ варианти маълум. Масалан, Чехия версияси — «Золушка учун уч ёнғоқ» (1973), Британия версияси — «Туфли ва атиргул» (1976), Америка версияси — «Золушка» (2015) ва Норвегиянинг янги вариант ҳам — «Золушка учун уч ёнғоқ» (2021) деб номланган.
Олоуддин
«Минг бир кеча» эртаги дунёга Олоуддиндек қаҳрамонни ҳадя этди, у ҳам ҳеч қачон кино ижодкорлар эътиборидан четда қолмаган. 2009 йилда томошабинлар ҳиндистонлик Олоуддинни «Олоуддин» комедик фильмида кўришди. Бироқ Гай Ричи томонидан яратилган америкалик Олоуддин («Олоуддин», 2019)дан фарқли ўлароқ, у кассада унчалик яхши натижа бермади.
Оппоғой
«Оппоғой» эртаги 1812 йилда ака-ука Гриммлар томонидан нашр этилган ва 1854 йилда улар томонидан қайта тўлдирилган. Ёзувчилар, мусиқачилар, театр режиссёрлари ва ҳатто компьютер ўйинлари яратувчилари ҳам бу эртакдан илҳомланган. Шубҳасиз, ушбу асарнинг фильмга мослашувининг ажойиб версияларидан бири АҚШда суратга олинган «Оппоғой ва етти гном» (1937)дир. Италия ва Японияда ишланган «Малика Оппоғой афсонаси» (1994-1995) анимеси унчалик машҳур эмас.
Изоҳ (0)