Тасаввур қилинг, оқшомни мароқли ўтказишни, севимли сериалингизни томоша қилишни ёки маникюр қилишни режалаштирдингиз. Бу ҳолатда лак билан боғлиқ муаммо бўлиши мумкин, яъни у қотиб қолган бўлиши, тирноққа суртилганда ёпишқоқ бўлиши мумкин. The Voice нашри қотиб қолган лакни уй шароитида ўз ҳолатига келтиришга ёрдам берадиган нарсалар рўйхатини тақдим этди.
Тирноқларни маникюр қилишда бу каби муаммолар бўлиши мумкин, чунки лак бошқа косметикадан фарқ қилмайди — вақт ўтиши билан унинг консистенсияси ва хусусиятлари ўзгаради. Бу ҳолатда маҳсулотнинг муддатига ҳам эътибор бериши лозим.
Иссиқ сув
Юқори ҳарорат лакни юмшатади, уни янада суюқ қилади. Бир стаканга иссиқ сув қуйинг ва идишни бир неча дақиқага ботириб олинг. Қайнаётган сувдан фойдаланманг — стакан ёрилиши мумкин. Лакни қўллашдан олдин шишани кафтларингиз орасига айлантиринг, бироқ ҳеч қандай ҳолатда уни силкитманг — бу суюқликда ҳаво пуфакчалар ҳосил бўлишига сабаб бўлади, бу қопламада хунук излар қолдиради.
Мицелляр сув
Лак қотиб қолганда уни юмшатиш учун мицелляр сувдан ҳам фойдаланса бўлади. Уни шишага солмасдан олдин, композицияда ёғлар йўқлигига эътибор беринг — улар лакни бузади. Бир чой қошиқ мицелляр сувни лакнинг идишига солинг: уни шишага шприц билан юборинг ва чўтка билан аралаштиринг. Уни 10-15 дақиқа шундай ҳолатда қолдиринг ва кейин лакдан фойдаланишингиз мумкин.
Рангсиз лак
Учинчи усул — рангли қотиб қолган лакни ва шаффоф рангли «янги» лак билан аралаштириш. Натижада мукаммал бўлмайди, бироқ лакни икки ёки уч марта ишлатиб маникюр қилишингиз мумкин.
Ацетон
Қотиб қолган лакка ацетон қўшиб, уни ўз ҳолатига келтириш мумкин. Аралашманинг сезиларли камчиликлари бўлади — у тирноқларда етарлича яхши турмайди.
Эътибор беринг: ҳеч қандай ҳолатда ацетоннинг ўрнига маиший эритувчилар ишлатилмаслиги керак. Бу рецепт кимёвий куйиш ёки кимёвий заҳарланишга олиб келиши мумкин.
Спирт
Гел-лакни қандай суюлтириш кераклигини билмоқчимисиз? Тиббиётда ишлатиладиган спирт, ароқ ёки бошқа кучли алкоголь маҳсулотлари бу борада ёрдам бера олади. Бироқ ёдда тутинг, бу ҳолатдан кейин гел камроқ бардошли бўлади ва тез ёрилиб кетади.
Мавзуга доир:
Изоҳ (0)