Британия Мудофаа вазирлиги Россия қўшинларининг Херсон вилояти ғарбидан чекиниши бир неча кун давом этиши, бу вақт ичида улар заиф ҳолатда бўлишини маълум қилди.
Вазирликка кўра, Россия қўшинларини Днепрнинг ғарбий қирғоғида сақлаб қолишига Украинанинг Россия таъминот йўлларига берган зарбалари таҳдид солган.
«Россия кучлари чекиниш чоғида бир нечта кўприкларни вайрон қилди ва Украина кучларининг олдинга силжишини секинлаштириш ҳамда кечиктириш учун миналар қўйди. Херсоннинг ғарбий қирғоғини йўқотиш, эҳтимол, Россиянинг Одессага олиб борувчи қуруқликдаги кўприкни қуриш бўйича стратегик интилишларини амалга оширишга тўсқинлик қилиши мумкин», — дейилади вазирлик баёнотида.
Шунингдек, ўтиш пунктлари чекланганлиги сабабли рус кучлари Днепрни кесиб ўтиш пайтида заифлашиши, Россия қўшинларини олиб чиқиш давомида мудофаа позициялари ва артиллерия ўқлари ёрдамида ҳимоя қилиш бир неча кун давом этиши мумкин таъкидланди.
Херсондан Россия қўшинларининг чекиниши
9 ноябрь куни Россия мудофаа вазири Сергей Шойгу Херсон вилоятидаги Днепр дарёсининг ғарбий қирғоғидан рус қўшинларини олиб чиқишни буюрганди.
Украинадаги Россия кучлари қўмондони генерал Сергей Суровикин Днепр дарёси бўйидаги мудофаа позициялари чекинишини тасдиқлаб, асосий сабаб сифатида таъминот муаммоларини кўрсатган.
Изоҳ (0)