Сўнгги ойларда Россияга қўшиб олинган Қрим шимолида окоплар қазишни бошлашди, дея маълум қилди OSINT-мутахассис Бенжамин Питтет сунъий йўлдош тасвирларига таяниб.
Маълумот учун: OSINT (Open-соурcе интеллигенcе) — очиқ маълумотлар асосидаги тадқиқотлар.
«Бу мавзу сизни ҳайрон қолдиради, деб ўйлайман. Россия Қрим шимолида янги окоплар қазимоқда», — деб ёзди у Twitter’да. Мисол сифатида у ноябрнинг илк кунлари Armyанск яқинида олинган суратни келтириб ўтди. У ерда, Питтетнинг сўзларига кўра, эски окоплар қайта тикланиб, янгилари қазилмоқда.
https://twitter.com/COUPSURE/status/1590405107169914881
Шунингдек, Бенжамин Питтет Қрим ва Херсон вилояти оралиғида жойлашган «Чонгар» назорат-ўтказиш пункти ҳудудида августда ва октябрда олинган тасвирларни ҳам келтириб ўтди. Экспертнинг сўзларига кўра, бу жойда Россия кучлари мавжуд истеҳкамларни қайта тиклаган ва янгиларини барпо этган.
https://twitter.com/COUPSURE/status/1590405121808400384
Бундан ташқари, мутахассис даъво қилишича, мудофаа иншоотлари Херсон вилоятида ҳам қурилмоқда, масалан, Новотроицкое қишлоғи яқинида. Питтетнинг айтишича, мудофаа позициялари бутун ҳудуд бўйлаб барпо этилмоқда.
9 ноябрь куни Россия қўмондонлиги Херсон вилоятида ўз қўшинларини Днепрнинг ўнг қирғоғидан олиб кетишга қарор қилди. Россиянинг Украинадаги қўшинлари гуруҳи қўмондони Сергей Суровикин маълум қилишича, Херсонни тўла-тўкис таъминлаш имкони йўқ ва Днепрнинг чап қирғоғида мудофаа позициясини эгаллаш мақсадга мувофиқдир.
Изоҳ (0)