Checheniston rahbari Ramzan Qodirov Rossiya qo‘shinlari qo‘mondoni Sergey Surovikinga Xersondan qo‘shinlarni olib chiqib, yigitlariga g‘amxo‘rlik qilgani uchun minnatdorlik bildirdi, deb yozadi “RBK”.
Qodirovning so‘zlariga ko‘ra, “General Surovikin baland ovozdagi bayonotlar uchun bema’ni qurbonliklar va askarlarning bebaho hayotini saqlab qolish o‘rtasidagi qiyin, ammo to‘g‘ri tanlovni amalga oshirdi”.
“Xerson — o‘q-dorilarni barqaror ta’minlash va kuchli, ishonchli tayanch qismni shakllantirish imkoniyati juda qiyin bo‘lgan hudud. Nega bu maxsus operatsiyaning birinchi kunlaridanoq amalga oshirilmadi? Bu boshqa savol”, — deb yozadi Qodirov.
U Xersonning “boy berilgani” haqida gapirishga shoshilmaslikka chaqirdi. “Askarlar jonini asrash uchun vaqtincha chekinilmoqda”, — deb hisoblaydi Qodirov.
9-noyabr kuni ertalab rossiyalik “harbiy muxbirlar” Xersondagi binolardan Rossiya bayroqlari olib tashlanganini, bosib olingan Snigirevkadan shahar tomon ketayotganda ko‘priklar portlatib yuborilganini xabar qildi.
Kechga yaqin Rossiya qo‘shinlar qo‘mondoni Sergey Surovikin askarlarni Dneprning o‘ng qirg‘og'idan olib chiqishni taklif qildi. Rossiya mudofaa vaziri Sergey Shoygu bu taklifga rozilik bildirdi.
Mavzuga doir: “Rus qo‘shinlarini Xersondan chiqib ketishi haqida gapirishga hali erta” — Podolyak
Izoh (0)